Ilahn 84:2 - Uwumbɔr aagbaŋ

² M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Ilahn 84:2 ပူးပေါင်းရင်းမြစ်များ

Job Aagbaŋ 23:3

M neen ke m ba li nyi maah ga ŋa pu ki ban kan u na, ki ba li nyi nin chee m ga kan u na.

Ilahn 119:20

Nnimbil man ke m li nyi saakaal n‑yoonn mɔmɔk.

Ilahn 119:81

Uwumbɔr, maah kii si ke aa nan gaa mi lii pu na cha nwon mɔmɔk kpo a; m di maagaakii ŋa saabɔr ni la.

Ilahn 143:6

M yoor ŋŋaal paacham ki mee si; m neen si ke kitikuun aah neen nnyun pu na la.

Ilahn 73:26

Nibaakan, maalandak ni nwon ga yɔl, le Uwumbɔr ma ye maapɔɔn; uma le ye tiwan ni m ban n‑yoonn mɔmɔk na.

Solomonn Aalahn 5:8

Jerusalem aapiib, puu tii mi man ke ni yaa kan mbɔɔn kan, ni ga bui u ke maah neen pu ke m kan u na yɔl nwon mɔmɔk a.

Aisaya 26:9

Maah gee si pu na, m wii kinyeek ki ban si; aa yaa ji kitiŋ kee ni kaanib tibɔr kan, bi ga bae ibamɔn aah ye pu na.

Aisaya 64:1

Uwumbɔr, aa yaa ba daa kar ntaalangbam ki sunn ni kan, m ba ga li gee kina. Ŋijoo ba ga kan si, le ijawaan chuu ŋi le ŋi dam.

Nkahm 24:5

Israel yaab aadichal ŋan sakpen la.