Ilahn 83:10 - Uwumbɔr aagbaŋ

¹⁰ Aa nan nyaŋ bi Endor aatiŋ pu, le bi dɔ nima ki ti bur.

Ilahn 83:10 ပူးပေါင်းရင်းမြစ်များ

2 Bibɔrb 9:37

Waanann ti ga gur na ga yaa ki dɔ nima ke tinaabin na, le ubaa aan ŋmaa bee ni ye niken na.’”

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 8:2

Baah ba ga kuun i pu ki sub i na, baakpab ga li dɔ kitiŋ ke tinaabin na la. I ga yaa ki dɔ aan nwiin, ni uŋmal, ni iŋmabi li waa i. Nimina ye tiwan ni binib ngbaan nan gee ki tun lituln tii ni, ki buu ni chee tibɔɔr, ki dooni ni na.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Josua 17:11

Isakar ni Aser aakaasisik ni na, Manase le nan yeh Bef Sann, ni Ibleam aatim mu bi nima chee na, ki kpee ntim mu mann gonn nima na, ni Dor aatiŋ ki bi gbɔk nnyusakpem aagbaan na, ni Endor, ni Taanak, ni Megido aatim, ni ntim mu mann gonn mu na.

Bibɔjirb 4:15

Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.

Bibɔjirb 4:16

Le Barak ni waajab nan ka bi pu ki ti saa Harosef Hagoyim aatiŋ ni, le ki ku Sisera aatɔb aajab mɔmɔk. Uja ubaa le aa nan gur.

Bibɔjirb 5:21

Kisonn Aamɔɔl ni aawam le nan ŋar bi ŋŋaan buen, Kisonn Aamɔɔl aanyunja le nan di bi buen. M ga chuun buen, m ga di mpɔɔn chuun buen.

Bibɔjirb 7:25

Bi nan chuu Midiann yaab aabɔrb bilee, Oreb ni Seeb; bi nan ku Oreb, litakpal li bi yin li ke Oreb aatakpal na chee la, le ki ku Seeb mu, kitakpaluŋ ki bi yin ki ke Seeb aatakpaluŋ na chee. Bi nan beenin san paa Midiann yaab ngbaan pu, le ki joo Oreb, ni Seeb aayil nan tii Gideonn. N‑yoonn ngbaan Gideonn nan bi Jɔɔdann aawipuul wɔb la.

1 Samuel 28:7

Le Sɔɔl bui waaninkpiib ke, “Ban kan man upii u joo inyɔk buu tibɔɔr na, aan m buen u chee ti baa lik.” Bi nan bui u ke, “Ubaa bi Endor ni.”