Ilahn 80:8 - Uwumbɔr aagbaŋ

⁸ Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Ilahn 80:8 ပူးပေါင်းရင်းမြစ်များ

Ilahn 31:17

Uwumbɔr, m yin si la; taa cha m ji inimɔɔn. Cha titunwanbirdam ma ji inimɔɔn, cha bi sunn kitekpiitiŋ ni aan ubaa taa ŋun bi pu.

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Esekiel 15:6

Aadindaan Uwumbɔr aah len pu na sɔ: “Baah nyani ndaan aasubil aasubon kichook ni pu ki joo tuur mmii na, kina le m ga nyan binib bi koo Jerusalem aatiŋ ni na,

Esekiel 17:6

Busub ngbaan nan filk, ki ye ndaan aasubil aasub bu kaa fɔk ki taln ni mɔmɔk na. Bu aapan nan too paacham ki lik likaagiil ngbaan, le inyaan mu koo kitiŋ mbamɔm. Bu nan kpa ŋipan ni tifar sakpen.

Esekiel 19:10

Aana nan naahn ndaan aasubil aasub bu si gbɔk nkpen na la. Nnyun aah bi sakpen na, bu nan kpa tifar ni ŋisubil pam.

Lituln 7:45

Tiyaajatiib nan di libool ngbaan tii baabim. Baabim ni baayidaan Josua mu nan yoor libool ngbaan, le ki buen bi ti gaa kitiŋ ki Uwumbɔr jenn binib nima na. Le libool ngbaan nan bi nima, ki ti saa Ubɔr David aayoonn.

Josua 13:6

Ntim ngbaan mɔmɔk nan kpaan Saidonn yaab bi bi ŋigongon aatim mu bi Lebanonn aajool ni Misrefof Mayim aatiŋ aakaasisik ni na la. Le Israel yaab aah tur koo bi ponn ni pu na, m ga jenn nyan binib ngbaan mɔmɔk. Aa yakr kitiŋ ngbaan tii Israel yaab, maah bui si ke aa ŋa pu na.