Ilahn 79:6 - Uwumbɔr aagbaŋ

⁶ Cha li fenn lir binib bi kaa dooni si na pu, Cha li fenn lir binib bi kaa mee limeel tii si na pu,

Ilahn 79:6 ပူးပေါင်းရင်းမြစ်များ

Ilahn 14:4

Le Uwumbɔr baa ke, “Baa nyi la aa? Titunwanbirdam ngbaan mɔmɔk ye binib bi kaa nyi na la aa? Bi su maanib kinaayuk le ki joo kpiini bibaa, kaa mee mi.”

Ilahn 145:18

U bi duun binib bi yin u ni bisui mɔmɔk na.

Ilahn 53:4

Le Uwumbɔr baa ke, “Baa nyi la aa? Titunwanbirdam bee aa nyi la aa? Bi su maanib kinaayuk le ki ji, le kaa dooni mi kpala.”

Ilahn 69:24

Cha saaŋuul lir bi pu; cha saaŋuusakpeln nyaŋ bi.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Jeremia 10:25

Di saaŋuul toŋ ŋitimbol ŋi kaa dooni si na, ni binib bi yii si na wɔb. Bi ku saanib, bi kuln timi pel pel, le ki cha timi aatiŋ kpaln ŋilangben.

Jeremia 25:29

M ga piin maabiil aatuln ngbaan mbaa aatiŋ ponn ni la. Bi dak ke maan daa bitafal la aa? Aayii, bi ga kan ntafadaan, ba pu? m ga cha butɔb dan kitiŋ kee mɔmɔk aanib pu. Min Uwumbɔr Mpɔɔnsakpiindaan le len kina.

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Jɔnn 16:3

Baa nyi Nte Uwumbɔr, kaa nyi m mu. Nima le ga cha bi ŋa nimi kina.

Jɔnn 17:25

Nte Uwumbɔr u ŋani ni ŋan na, dulnyaa aanib aa nyi si. Min le nyi si. Binib bimina mu bee ke aa tun ni mi la.

Lituln 17:23

M chuun nimi aatiŋ ponn ni ki kan naah dooni ŋiwaa pu na, le ki kan bi nan ŋmee ŋŋmeen naah toor kitork nin chee na. Bi ŋmee ke, ‘Taah kaa nyi Uwumbɔr u na.’ Ni dooni Uwumbɔr, ki mu aa nyi u. Waabɔr le m ban m tuk nimi dandana wee.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

1 Korenti 1:2

tii Uwumbɔr aanib bi bi Korint aatiŋ ni na. Uwumbɔr Aafuur Nyaan ŋa nimi bininyaam Yesu Kristo pu, ki yin nimi ke ni li ye waaninyaam, ni binib bimɔk yin Tidindaan Yesu Kristo aayimbil ntim mɔmɔk ni na. U ye Bidindaan, ni ti mu Aadindaan.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.