Ilahn 79:4 - Uwumbɔr aagbaŋ

⁴ Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Ilahn 79:4 ပူးပေါင်းရင်းမြစ်များ

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Nehemia 2:19

Le Sanbalat, ni Tobia, ni Arab aanii u bi yin u ke Gesem na aah ŋun taah bi kpokl ke ti ŋa pu na, bi nan laa timi, le ki bui ke, “Ni dak ke ni bi ŋani ba na? Ni ban ni fii sil ubɔrkpaan pu la aa?”

Ilahn 80:6

Aa cha ŋitimbol ŋi mann goln timi na jaa timi aatiŋ pu; timi aadim seei timi la.

Ilahn 89:41

Unii umɔk jer na su waawangol la; binib bi koo gbɔk u na laa u la.

Aisaya 43:28

le binib bi joo nimi aatim na bii Maadichal. Kina pu le m bii nimi Israel yaab; ki cha bi seei nimi maanib ngbaan.”

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 42:18

Uwumbɔr u ye Israel yaab Aawumbɔr na ki bui ke, “Maah nan cha maaŋuusakpeln dan Jerusalem pu pu na, kina le ni yaa buen Ijipt ni kan, maaŋuul ga dan ni pu. Binib yaa kan nimi kan, ni ga li kpa ijawaan; binib ga lik nimi fam le ki li joo nimi aayimbil puuni lir biken pu. Naan ki kan do kpala.”

Jeremia 51:51

Ni bui ke, ‘Bi jinn timi inimɔɔn a; le biwɔwɔm aah gaa ŋipepel ŋi bi chain Uwumbɔr Aadichal ni na, ti kan ke taa ki kpa nterm mubaa.’

Inandalahn 1:11

Kaanib bi ban tijikaar; le ki ker idun. Bi joo baawangol le kpenni tijikaar ki ji ke bi ŋmar. Kitiŋ ngbaan wii le ke, “Uwumbɔr, lik maah bi pu na; lik mi, maanimbaak ni.”

Inandalahn 5:1

Uwumbɔr, teer tiwan ni dan ti pu na. Lik ni timi, ki kan timi aanimɔɔn.

Esekiel 22:5

Saah bii ikaal pu na pu, le ntim mu duun si na, ni mu daa si na laa si.

Esekiel 35:12

N‑yoonn ngbaan le aa ga bee ke min Uwumbɔr nan ŋun saah di lik‑seen bui ke Israel aajoo ŋa nkuun, ki ye sin yaan ke aa di nab na.

Esekiel 36:15

Kitiŋ ngbaan aan ki pel ŋitimbol aah ŋani ki mbɔnyun, bee ki kan binib aah laa kinanaŋ aalaar ti na. Kitiŋ ngbaan aan ki ku litimbol ngbaan aabim. Min Dindaan Uwumbɔr le len kina.”

Esekiel 36:3

“Tɔ, nabr maabɔr ki moon min Dindaan Uwumbɔr aah bi len pu na. Ŋitimbol ŋiken ŋi bi gbɔk Israel aatimbol na aah nan nyaŋ ki yoor Israel aajoo aawan na, ŋi mɔmɔk nan sii Israel la.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Sefania 3:18

ki li kpa mpopiin ke binib bi bi ji njim na.” Uwumbɔr nan ki bui ke, “Maan ki faan nimi ke m ga kuln nimi; m nyan nimi aanimɔɔn ni pu a.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Ikaal 28:37

Ntim mu ponn ni Uwumbɔr ga cha ni yaa ki koo mu ni na, binib ngbaan aapobil ga yuk tiwan ni ŋa nimi na pu, le bi ga ŋa nimi mbɔnyun ki nyei nimi.