Ilahn 79:3 - Uwumbɔr aagbaŋ

³ Bi cha saanib aasin nyan ke nnyun na; nsin nan puu ni kookoo Jerusalem ponn ni ke nnyun na la, le unii aa nan gur ke u sub ŋinikpol.

Ilahn 79:3 ပူးပေါင်းရင်းမြစ်များ

Ilahn 141:7

Baah lar idɔ pu ki chɔi chɔi i na, kina le baakpab ga yaa likaakul aamɔgben chee.

Ilahn 79:10

Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Jeremia 14:16

Baah di tibɔr tee tuk binib bi na mu ga kpo nkun baan ngbaan la. Bi ga di baanikpol mae Jerusalem aatiŋ ponn ni, le ubaa aan li bi ki sub bi. Nimina ga ŋa bi mɔmɔk, bi ni bipuutiib, ni bijapɔtiib, ni bibisatiib. M ga cha bi pa baatunwanbir pu.”

Jeremia 15:3

Min Uwumbɔr le siin ke tibɔbir nfum munaa pu ga kan bi: bi ga kpo butɔb ni, le ibɔ ga fuul baawon buen, le inyoon ga ji ti, le ipeel ga di ti gur na ŋmɔ.

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 25:33

Liyaadaal ngbaan kan, Uwumbɔr aah ku binib bi na aanikpol ga li dɔ kitiŋ kee pu, ni kookoo la. Ubaa aan wii baakpuul, le ubaa aan yoor ŋi di buen ti sub. Ŋi ga li dɔ ŋikpuk ŋikpuk ke tinaabin na la.

Jeremia 34:20

M ga di bi tii baadim bi ban bi ku bi na, le baanikpol ga li ye inyoon ni ipeel aajikaar.

Sefania 1:17

Uwumbɔr ki bui ke, “M ga cha tibɔbir ngbaan aaboln dan unibɔn pu aan unii mɔmɔk li chuun baani ke ujoon na. Bi tun mi taani, le m ga cha baasin puu ke nnyun na, le baanikpol ga li dɔ kitiŋ ki ti bur.”

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Rom Yaab 8:36

Ni ŋmee Uwumbɔr Aagbaŋ ni ke, “Sin pu le bi ku timi iwiin mɔmɔk, le ti naahn ipiih i bi ban bi ti kɔr i na la.”

Tibɔkpiirkaan 11:9

Le ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, bi ponn ni bibaa ga lik ŋinikpol ngbaan ki ti saa iwiin itaa ni ligeln, kaan kii ke unii ubaa ti sub bi.

Tibɔkpiirkaan 16:6

ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.