Ilahn 79:10 - Uwumbɔr aagbaŋ

¹⁰ Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Ilahn 79:10 ပူးပေါင်းရင်းမြစ်များ

Ilahn 115:2

Ŋitimbol aa kpa nsan ke ŋi baa timi ke, “Nimi Aawumbɔr bi la chee?”

Ilahn 42:10

Baasiibil le doo mi. Bi baa mi n‑yoonn mɔmɔk ke, “Saawumbɔr ngbaan bi la?”

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Ilahn 94:1

Ndindaan Uwumbɔr u dar binib aatafal na, kpiir saaŋuul mɔk binib.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Aisaya 64:1

Uwumbɔr, aa yaa ba daa kar ntaalangbam ki sunn ni kan, m ba ga li gee kina. Ŋijoo ba ga kan si, le ijawaan chuu ŋi le ŋi dam.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Jeremia 51:35

Cha Sionn aanib len ke, “Cha bi chuu Babiloŋ taani, taah kan titotonn ti na pu.” Cha Jerusalem aanib len ke, “Cha bi chuu Babiloŋ taani, taah jin falaa u na pu.”

Inandalahn 1:22

Cheer bi baabiin na mɔmɔk pu. Daa bitafal ke saah daa ntafal maatunwanbir pu pu na. Falaa ponn ni le m ker idun, le ni ye nsui ni iween.”

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Rom Yaab 12:19

Maanigeekaab, binib yaa ŋa nimi bakaa kan, ni taa teen bi. Cha Uwumbɔr le daa bitafal. Ni ŋmee Uwumbɔr Aagbaŋ ni ke Uwumbɔr len ke, “Min baanja le kpa nsan ke m daa binib aatafal. Min le ga teen bi.”

Ikaal 32:43

Ŋitimbol mɔmɔk, ni li pak Uwumbɔr aanib, u dar binib bi ku waanib na aatafal. U ga di cha pinn waanib baatunwanbir, le ki daa waadim aatafal ki teen bi.”

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.