Ilahn 78:55 - Uwumbɔr aagbaŋ

⁵⁵ Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Ilahn 78:55 ပူးပေါင်းရင်းမြစ်များ

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Aisaya 34:17

Uwumbɔr le ga yakr kitiŋ ngbaan tii tiwan ngbaan, ki tii ni mɔmɔk naatim. Ni ga li koo kitiŋ ngbaan pu n‑yoonn mɔmɔk, aan ki li ye naatiŋ n‑yoonn mu kaa kpa ndoon na.

Nkahm 33:54

Ni too inaan ki yakr kitiŋ ngbaan ki tii ŋinibol, ni itaŋaal ni yaab mɔmɔk. Bi aataŋaal yaab wiir na kan, ni gii kitiŋ ki li wiir ki tii bi, aan ki gii kitiŋ waatiir tii bi kaa wiir na mu.

Josua 13:7

Dandana wee, yakr kitiŋ kee ki tii Israel yaab ŋinibol ŋiwae ŋi gur na, ni Manase aanibol ligeln li gur na, aan ki li ye baatiŋ.”

Josua 19:51

Utotoor Eleasar, ni Nunn aajapɔɔn Josua, ki kpee Israel yaab aanibol aaninkpiib le nan yakr ntim ngbaan tii bi mɔmɔk; bi nan too inaan ki mee Uwumbɔr, Silo aatiŋ ni, Uwumbɔr aah bi Libool li ni na aabisamɔb chee. Kina le bi nan ŋa, le ki yakr kitiŋ ngbaan doo.

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.

Josua 23:4

M tii nimi ntim mu gur ke ni ga gaa, aan mu li ye nimi yaan na, le ki kpee ntim mu ti nyaŋ ki gaa, ki yoor Jɔɔdann Aamɔɔl mɔk, liwipuul wɔb, ki ti ker Kaasisik ni Aanyusakpem mɔk, liwilir wɔb na.