Ilahn 78:25 - Uwumbɔr aagbaŋ

²⁵ Kina pu le bi nan jin Uwumbɔr aatuuntiib aajikaar, le Uwumbɔr tii bi baah ban pu na mɔmɔk.

Ilahn 78:25 ပူးပေါင်းရင်းမြစ်များ

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 105:40

Bi nan mee Uwumbɔr le u cha ichakpee dan; u nan cha tijikaar nyan ni paacham ke bi nan ji ki bab.

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Matiu 14:20

Bi mɔmɔk nan ŋman ki bab. Baah ŋman ki bab ki gur ni na, le Yesu aadidiliib nan yoor tijikaar ti gur na ki gbiin tibɔɔkur kipiik ni tilee.

Matiu 15:37

Le bi mɔmɔk ŋman ki bab. Baah ŋman ki bab na, le waadidiliib yoor tijikaar ti gur na, ki gbiin tibɔɔkur tilole.