Ilahn 78:18 - Uwumbɔr aagbaŋ

¹⁸ Bi nyi le ki tɔŋ Uwumbɔr ki bui ke u tii bi tijikaar ti bi ban na.

Ilahn 78:18 ပူးပေါင်းရင်းမြစ်များ

Ilahn 95:9

Nima chee bi nan tɔŋ mi ki lik, ki nyi maah tun pu tii bi na.

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Nnyam 17:7

Bi nan yin nima chee ke Masa, ki ki yin ni ke Meriba; ba pu? Israel yaab nan ŋulni Uwumbɔr pu ki tɔŋ u, ki baa ke, “Uwumbɔr bi ti chee aan waa bi?”

Nkahm 11:4

Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

1 Korenti 10:9

Ni mu taa tɔŋ Tidindaan ke bi ponn ni bibaa aah nan tɔŋ u pu ki cha iwaa junn ku bi na.

Ikaal 6:16

“Ni taa tɔŋ Nidindaan Uwumbɔr ke naah nan ŋa pu Masa aatiŋ ni na.