Ilahn 78:15 - Uwumbɔr aagbaŋ

¹⁵ U bɔɔl ŋitakpal nteersakpiin ni, ki cha nnyun nyan ni nin chee nyoo na ki tii bi, bi nyun.

Ilahn 78:15 ပူးပေါင်းရင်းမြစ်များ

Ilahn 105:41

U nan chuu piir litakpal, le nnyun chee nyan ni, ki puu nteersakpiin ni ke limɔɔl na.

Ilahn 114:8

Uwumbɔr u kpelni ŋitakpal ŋani nnyun, ki kpelni ŋijootakpal ŋani inyunbun i puu na, li jii uma aanimbiin ni.

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Aisaya 41:18

M ga cha ŋimɔɔ puu ŋigongon ŋi pu aa nan kpa nibaa na, aan inyunbun mu puu ŋifatan ni. M ga cha nteersakpiin pu kpaln tibɔr ŋmeen, aan kitiŋ nin chee aa nan kpa nnyun na kpaln inyunbun i puu na.

Aisaya 43:20

Hali tipeewanbir ga nyuŋ mi buyoonn m cha ŋimɔɔ puu nteer pu ke maanib bi m lee bi na kan nnyun ki nyu na, ikakal ni taataa tiib ga pak mi.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Nkahm 20:11

Le Moses yoor lidabil ngbaan ki di faa litakpal ngbaan nfum mulee, le nnyusakpem puu nyan ni, le binib ngbaan mɔmɔk ni baawakor nyun.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.