Ilahn 76:7 - Uwumbɔr aagbaŋ

⁷ Uwumbɔr, binib mɔmɔk san si ijawaan la. Buyoonn saaŋuul ti fii na kan, ubaa aan ki ŋmaa sil aanimbiin ni.

Ilahn 76:7 ပူးပေါင်းရင်းမြစ်များ

1 Bibɔrb Aabɔr 16:25

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki taa ki nyuŋ ŋiwaa ma.

Esra 9:15

Uwumbɔr, Israel yaab Aadindaan, aa ye ubamɔndaan la, le ki tee cha ti ŋmar. Ti kpiir timi aataani tuk si; taa kpa nsan ke ti dan nan sil aanimbiin ni.”

Ilahn 130:3

Aa yaa ba ŋmee timi aatunwanbir mɔmɔk bilni kan, ubaa aa ba ga ŋmar kaa kpo.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Nnyam 15:1

Nima chee le Moses ni Israel yaab nan gaa nlahn mumina ki pak Uwumbɔr: “M ga gaa ilahn ki pak Uwumbɔr, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.

Nnyam 15:4

U di Ijipt yaab aajab ni baatɔroku tiib ki di mee lii nnyusakpem ponn ni; baaninkpiib nyanyaam mɔmɔk nan bee nnyusakpem ponn ni.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”