Ilahn 76:6 - Uwumbɔr aagbaŋ

⁶ Uwumbɔr u tiyaaja Jakob mu nan dii u na, saah nan faan bi buyoonn na, baataan ni binib bi dik i pu na nan lir ki kpoi.

Ilahn 76:6 ပူးပေါင်းရင်းမြစ်များ

2 Samuel 10:18

le Israel yaab jenn Siria aajab giin bipuwɔb. David ni waajab nan ku Siria aajab bi joo itaan aatɔroku mam na ikui ilole, ki ku bitandam mu ŋichur imonko ilee, ki tii baadim aajab aaninkpel Sobak mu titotonn, le u bee butɔb ngbaan ni.

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Ilahn 104:7

Saah kae nnyun na, le mu san buen; mu aah ŋun saah teen ki len pu na le mu chii ki san buen.

Ilahn 18:15

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyunsakpem aataab nan doon nkuun, le kitiŋ aah baa nin chee na chuu piir waan.

Ilahn 80:16

Timi aadim gaa bu lii a, le ki see bu mmii; di saaŋuul lik bi ki kuln bi.

Nnyam 15:1

Nima chee le Moses ni Israel yaab nan gaa nlahn mumina ki pak Uwumbɔr: “M ga gaa ilahn ki pak Uwumbɔr, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.

Nnyam 15:10

Uwumbɔr, aa nan fuur lii Ijipt yaab pu nfum mbaa le bi muin ke tikur na, ki bee nnyusakpem ni.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Jeremia 51:39

Bi ye bikumɔndam la aa? M ga ŋa njim tii bi ki cha bi nyu ti gbii ki li kpa mpopiin. Bi ga ti doon geen, le kaan ki fii.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Esekiel 39:20

Maatork ni le i ga ji yaa gee itaan ni binib bi dik i pu na, ni kijaak aajab aajim. Min Dindaan Uwumbɔr le len kina.”

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Nahum 2:13

Uwumbɔr Mpɔɔnsakpiindaan bui ke, “Saadin ye min la. M ga see saataan aatɔroku tiib mmii. Bi ga ku saajab butɔb ni la, le m ga yoor saah nan gaa tiwan ni biken chee na ki di buen. Ubaa aan ki ŋun saah nan kpa mpɔɔn mu dulnyaa wee ni na pu.”

Nahum 3:18

Asiria aabɔrkpaan, saayidam kpoi a, le saanib bi kpa ŋiyimbil na mu geen kaan ki finn kpala. Saanib yaa, ki bi ŋijoo paab, le ubaa aa bi ki ga giin bi kunn ni linampal.

Sekaria 12:4

N‑yoonn ngbaan kan, m ga cha ijawaan chuu baataan mɔmɔk ki cha bijab bi dik i pu na mɔmɔk waar. M ga li lik Juda aanib, le ki cha baadim aataan jɔb.

1 Samuel 26:12

David nan yoor Sɔɔl aakpaatuŋ, ni waanyun aatuun uyil chee, le u ni Abisai siir. Ubaa aa nan kan, kaa nyi baah ŋa pu na, ki mu aa finn ki kan bi; bi mɔmɔk nan geen gbar; ba pu? Uwumbɔr nan di ngeen sakpem lii ni bi pu.