Ilahn 74:9 - Uwumbɔr aagbaŋ

⁹ Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Ilahn 74:9 ပူးပေါင်းရင်းမြစ်များ

Nnyam 12:13

Nsin mu ni di boon ibisamɔi na le ga li ye limɔkl ke nimi Israel yaab aadichal le na. N‑yoonn mu m kan nsin ngbaan na kan, m ga lakr jer ni pu, kaan kpaan ni ni Ijipt yaab ki daa ni mu aatafal.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Esekiel 20:12

M nan cha Likpaakool daal aajoom le ye m ni bima aaseeraa, ki li teer bi ke min Uwumbɔr bi chain la.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Amos 8:11

“N‑yoonn choo, buyoonn m ga tun ni nkon kitiŋ kee pu na. Nkon ga li joo binib, ni mu aan li ye tijikaar aakon; nnyunyuu ga li joo bi, ki mu aan li ye nnyun aanyunyuu. Uwumbɔr aabɔr aakon ni taanyunyuu le ga li joo bi. Min Uwumbɔr Mpɔɔndaan le len kina.

Maika 3:6

“Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Maika 3:7

Binib bi nyi n‑yoonn mu choo na aabɔr ki nabr na ga ji inimɔɔn, baah kaan ki li nyi nibaa pu na pu. Uwumbɔr aah kaan gar bi pu na pu le bi ga kpaln binimɔɔnib.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.

Bibɔjirb 6:17

Gideonn nan gar ke, “Aa yaa lik faar mi kan, mɔk mi limɔkl ke sin Uwumbɔr sil ye.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.