Ilahn 74:3 - Uwumbɔr aagbaŋ

³ Chuun baah ber ntim mu kookoo na pu; timi aadim bii doo tiwan ni mɔmɔk bi Saadichal ni na.

Ilahn 74:3 ပူးပေါင်းရင်းမြစ်များ

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Nehemia 2:13

Ni nan beenin ye kinyeek le m dii mbisamɔb mu bi yin mu ke Kifataŋ Aabisamɔb na, ki nyan kitiŋ ngbaan ponn ni, ki di toŋ liwilir wɔb, ki fenn toŋ ŋŋangii wɔb ki ti nyan nnyunbun mu bi yin mu ke Kipeewanbiik aanyunbun na chee, ki ti saa mbisamɔb mu bi yin mu ke Litapuln Aabisamɔb na chee. Maah cha na, le m moo lik ŋigon ngbaan nin chee wii wii na, ni ibisamɔi aajaaleŋ tiib bi mmii wun bi na.

Nehemia 2:3

le m bui ke, “Uwumbɔr tii sin mpɔɔndaan limɔfal li fɔk na. M ga ŋa kinye ki taa li lik gbilngbiln buyoonn n‑yaajatiib aakpab aah dɔ nin chee na ber doo aan kitiŋ ngbaan aabisamɔi aajaaleŋ tiib wun mmii doo na?”

Ilahn 44:23

Uwumbɔr, finn ngeen pu. Ba ŋa aa dɔ geen? Fii sil paacham. Taa yii timi kookoo.

Ilahn 44:26

Dan nan ter timi. Gaa timi lii, saageehm mu bi n‑yoonn mɔmɔk na pu.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 61:4

Bi ga gir maa ntim mu nan gur ye tilangbenn na.

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Inandalahn 1:10

Kaadim nan sun kaawangol mɔmɔk; kaanib nan kan baah koo Uwumbɔr Aadichal ponn ni pu na. Uwumbɔr aa tii nsan ke binib bi kaa ye Israel yaab na koo nima chee.

Daniel 11:31

Waajab ngem ga bii Uwumbɔr Aadichal. Bi ga kuln iwiin mɔmɔk aatork, ki di tiwanbir ni bii tiwan nimɔk bi chain na siin nima.

Daniel 9:17

Uwumbɔr, ŋun maameel ni maah gaŋni si pu na. Gir maa Saadichal li bi nan ber na. Gir maa li, aan binib mɔmɔk bee ke sin le ye Uwumbɔr.

Daniel 9:27

Ubɔr pɔɔl ngbaan ga cha u ni binib pam kpaan kimɔbaan ki pɔɔ na ki ti saa ŋibin ŋilole, le ŋibin ŋilole ngbaan ponn ni yaa nan saa ŋibin ŋitaa ni ligeln na, u ga kuln kitork ni ipiin, Uwumbɔr Aadichal ni. U ga di tiwanbir ni bii tiwan nimɔk bi chain na ki di kaan Uwumbɔr Aadichal paab, nin chee paa na, le ni ga li ka nima ki ti saa buyoonn unii u di ni kaan nima na pii ndoon mu Uwumbɔr gor kiir u na.”

Maika 1:3

Uwumbɔr ga nya ni waabuul li bi chain na ni le ki dan; u ga sunn ni ki nan chuun ŋijoo paab.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Tibɔnyaan ti Mak ŋmee ti na 11:17

Le u bui bi ke, “Ni ŋmee Uwumbɔr Aagbaŋ ni ke Uwumbɔr len ke, ‘Maadichal ga li ye mmeen aadichal, nin chee ŋinibol mɔmɔk mee mi na la;’ le nimi di li ŋa bififiirb aakakaa chee.”

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Josua 10:24

ki di bi buen Josua chee. Josua nan yin ni Israel aajab mɔmɔk ubaa chee, le ki bui bijab aaninkpiib bi nan dii u buen butɔb ngbaan ni na, ke bi di bitaa taa bibɔrb ngbaan mɔmɔk aaneen ni. Le bi ŋa kina.

Tibɔkpiirkaan 11:2

Taa ŋaŋ kikaakpaak ki bi lipaal na aafɔfɔk; ba pu? Uwumbɔr di kikaakpaak ngbaan tii binib bi kaa ye Juu yaab na la. Le bi ga bii Uwumbɔr aatinyaan ki ti saa iŋmal imonko ilee ni ilee.