Ilahn 73:3 - Uwumbɔr aagbaŋ

³ Maah kan ke bibiindam aatuln mɔmɔk kpa tinyoor na, le m nan kpa bigaadam pu lipiipoln.

Ilahn 73:3 ပူးပေါင်းရင်းမြစ်များ

Job Aagbaŋ 12:6

Tɔ, binaayukb ni binib bi kaa nyi Uwumbɔr na bi nsuudoon ni, bi bui ke Uwumbɔr bi biŋaal ni.

Job Aagbaŋ 17:8

Ni ŋa binib bi bui ke bi si chob na lijinjiir la; le bi mɔmɔk bii mi ke maa nyi Uwumbɔr.

Job Aagbaŋ 21:7

Ba ŋa Uwumbɔr cha titunwanbirdam kpa limɔfal, ki cha bi por ki kani nkam?

Job Aagbaŋ 24:23

Uwumbɔr ga ŋmaa tii u ŋŋmarm, le ki tee lik u n‑yoonn mɔmɔk.

Ilahn 10:5

Ubiindaan kani tinyoor waatuln mɔmɔk ni la. Waa beer Uwumbɔr aabɔjil aatataa; u lik seeni waadim la.

Ilahn 37:1

Taa cha bibiindam aabɔr muk si; taa li kpa lipiipoln binib bi tun taani na pu.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ŋiyataŋak 23:17

Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Ŋiyataŋak 24:1

Taa dak ke bibiindam aawan ba li ye saawan, ki taa jɔnn bi kijɔtiik.

Ŋiyataŋak 3:31

Taa li kpa lipiipoln binib bi bir na pu, ki mu taa tun baah tun ŋitun ŋi na,

Ulandaan 7:15

Maamɔfal ye mi fam la, le m mu tee kan tiwan mɔmɔk li ponn ni. Unibamɔnn ga ŋmaa kpo, le ubaa u ye utunwanbirdaan na ga li beenin chuun.

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Malakai 3:15

Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”

Jemisi 4:5

Uwumbɔr Aagbaŋ len ke, “Unii yaa joo waawiin dooni tiwan ki cha Uwumbɔr kan, Uwumbɔr kpa lipiipoln sakpen a.” Ni dak ke ni len kina fam la aa?