Ilahn 73:27 - Uwumbɔr aagbaŋ

²⁷ Binib bi yii si na ga sil kuln; aa ga doo binib bi nyan aapuwɔb na.

Ilahn 73:27 ပူးပေါင်းရင်းမြစ်များ

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

Esta 9:30

U nan ŋmee kigbaŋ ngbaan tii Juu yaab bimɔk bi ŋipepel nkub ni moninko ni ŋilole ŋi bi Pesia aanaan ni na. Kigbaŋ ngbaan nan mɔk ke Juu yaab li kpa nsuudoon ni limakl ke nibaa aan ŋa bi;

Ilahn 106:39

Baatun nan cha bi ŋa bibaa tijɔŋdam, le kaa ki si Uwumbɔr aapuwɔb.

Ilahn 119:155

Bibiindam aah yii saakaal na, saan gaa bi lii.

Nnyam 34:15

Ni taa kpaan binib ngbaan chee ki ŋa kimɔbaan, ba pu? n‑yoonn mu bi toor baawaa na kan, bi ga chɔi nimi, ni ji kitork aajikaar ngbaan.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Jeremia 12:2

Sin le naan bi, le bi fii ki kpa inyaan; bi muuni le ki pɔr. N‑yoonn mɔmɔk kan, bi len aa pu tibɔnyaan la, le kaa tee dak aa pu kpala.

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Efesusi 2:13

Le dandana wee, naah kpaan Yesu Kristo ni na, nimi bi nan daa Uwumbɔr chee na duun u chee dandana wee, Kristo aasin pu.

Efesusi 2:17

Kristo nan dan ki nan tuk nimi bi nan daa Uwumbɔr chee na, ni Juu yaab bi duun u chee na, ke u ga ŋa nimi, ni Juu yaab, ni Uwumbɔr kijɔtiik.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.