Ilahn 73:1 - Uwumbɔr aagbaŋ

¹ Uwumbɔr sil kpa Israel yaab pu tiŋann, u kpa binib bi aasui ponn ni ŋan na pu tiŋann.

Ilahn 73:1 ပူးပေါင်းရင်းမြစ်များ

1 Bibɔrb Aabɔr 15:17

Bi nan nyan bilahngaab aataŋaal ni, binib bimina le ke bi li yak tikumann aachayakrtuun: Joel aajapɔɔn Hemann, ni udo yoo Berekia aajapɔɔn Asaf, ni Kusaya, u nyan ni Merari aataŋaal pu na aajapɔɔn Etann. Bi nan lee Liifai yaab bimina le ke bi li gbaa tibar ti aaneel pɔɔ na ki ter bi. Bima le ye Sekaria, ni Jaasiel, ni Semiramof, ni Jehiel, ni Uni, ni Eliab, ni Maaseya, ni Benaya. Baah nan lee bi mu ke bi li gbaa tibar ti aaneel diin na sɔ: Matitia, ni Elifelehu, ni Mikneya, ni Asasia, ni Uwumbɔr Aadichal aakikiib ponn ni bilee, Obed Edom ni Jeyel.

1 Bibɔrb Aabɔr 16:37

Ubɔr David nan di Asaf ni udo yaab Liifai yaab biken le siin ke bi li yeh Uwumbɔr aadoon aatuln, Nkaal Aadakaa aah si nin chee na. Bima le nan ye binib bi tun lituln nima chee iwiin mɔmɔk na.

1 Bibɔrb Aabɔr 16:7

N‑yoonn ngbaan le David nan puen tii Asaf ni udo yaab Liifai yaab biken lituln, ke bi li gaa ilahn ki pak Uwumbɔr.

1 Bibɔrb Aabɔr 6:39

Asaf le nan ye lelee aalahngaab aasaloln. Waadichal ki ti saa Liifai mɔk aanib aayimbil sɔ: Asaf, ni Berekia, ni Simea,

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Ilahn 73:18

Aa ga di bi siin nin chee ŋar na, ki cha bi lir ki kuln kookoo.

Ilahn 83:1

Uwumbɔr, taa li ŋmin; taa li si suuna ki ŋmin kina.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Matiu 5:8

Binib bi dii Uwumbɔr ni bisui mɔmɔk na, waanyoor bi bi pu. Bima le ga kan uma Uwumbɔr.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Jɔnn 1:47

Yesu nan waa Natanael choo u chee, le ki bui ke, “Lik, Israel aabobamɔnn. Nnyamɔn aa bi u ni.”

Rom Yaab 4:16

Nima le Uwumbɔr puu tipuur tii binib bi gaa u ki kii na. Uwumbɔr aah gee binib pu na, nima le u tii Abraham aayaabitiib mɔmɔk waah nan puu tipuur ti na. U ga tii Abraham aayaabitiib bi ye Juu yaab ki gaa u ki kii na, ni binib bi kaa ye Juu yaab ki mu gaa u ki kii na ke Abraham aah nan gaa u ki kii pu na. Abraham ye timi bimɔk gaa Uwumbɔr ki kii na aayaaja la.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.