Ilahn 72:8 - Uwumbɔr aagbaŋ

⁸ Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Ilahn 72:8 ပူးပေါင်းရင်းမြစ်များ

1 Bibɔrb 5:1

Taya aatiŋ Aabɔr Hiram aajɔ le nan ye David. Waah nan ŋun ke Solomonn le nab ute David aanaan pu na, u nan tun bininkpiib u chee.

Ilahn 2:8

Mee mi, aan m ga di ŋitimbol ngbaan mɔmɔk tii si; kitiŋ kee mɔmɔk ga li ye sin yaan la.

Ilahn 80:11

Bu nan taln bu aapan ti fuu Kaasisik ni Aanyusakpem na chee, ki ti ki saa Yufrates aamɔɔl ni.

Ilahn 89:25

M ga taln waanaan ki nya Kaasisik ni Aanyusakpem mɔk ki ti saa Yufrates Aamɔɔl mɔk.

Ilahn 89:36

U ga li kpa yaabitiib n‑yoonn mɔmɔk, le m ga li lik waanaan pu ki ti saa dulnyaa aadoon.

Nnyam 23:31

M ga siin nimi aatiŋ aanaanmɔk ki yoor ni Limɔɔkal Aanyusakpem ki ti saa Yufrates aamɔɔl mɔk, ki yoor nima ki ti saa Kaasisik ni Aanyusakpem, ki ki yoor nima ki ti saa nteersakpiin ni. M ga tii nimi mpɔɔn, ni di nyaŋ binib bimɔk bi kitiŋ ngbaan ni na, le naah tur koo bi ponn ni na, ni ga li nyaŋni bi.

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”