Ilahn 72:7 - Uwumbɔr aagbaŋ

⁷ Cha tiŋann li bi waayoonn, ki cha nwankam li bi ki yunn ke uŋmal aah ga yunn pu na.

Ilahn 72:7 ပူးပေါင်းရင်းမြစ်များ

1 Bibɔrb 4:25

Waamɔfal yoonn mɔmɔk, Juda ni Israel aanib nan bi ŋŋmarm ni la, le lidichal mɔk kpa laasubil aasui aasaak.

1 Bibɔrb 5:4

Tɔ, dandana, Ndindaan Uwumbɔr tii mi nsuudoon, maatinaanmɔk ni. Maa ki kpa bidim, le kaa ki san ijawaan ke ubaa ga tak mi.

Ilahn 92:12

Binib bi aabimbin ŋan na ga ŋa tinyoor ke libɔkpal aasui na la; bi ga muun ke Lebanonn aasantina aasui na la.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 60:22

Hali Jerusalem aadichawaatiir li bi ki bi suuna na ga kpaln litimbol li kpa mpɔɔn sakpen na la. N‑yoonn mu ŋeer na yaa fuu ni kan, m ga cha kina ŋa woween. Min le ye Uwumbɔr.”

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Lituln 4:32

Binib bimɔk nan gaa Yesu ki kii na nan kpaan kimɔbaan, ni nlandakbaan. Ubaa aa len ke waawan nibaa le ye uyaan. Le bi mɔmɔk yakr baawan mɔmɔk, ki di tii tɔb.