Ilahn 72:16 - Uwumbɔr aagbaŋ

¹⁶ Cha tijikaar li bi waatiŋ pu; cha tijikaar li bi ŋigongon pu, ke Lebanonn aagongon pu na. Cha binib li gbii ntim ponn ni, ke timoor aah gbii ikpaakon ni pu na.

Ilahn 72:16 ပူးပေါင်းရင်းမြစ်များ

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

Job Aagbaŋ 5:25

Saabim ga li wiir ke timoor aah wiir kinaakpaamook ni pu na la.

Job Aagbaŋ 8:7

Saawangol limɔk wɔŋ na aa ye nibaa. Uwumbɔr aah ga tii si li n‑yoonn ngbaan na ga jer lima ngbaan pel pel.

Ilahn 104:16

Lebanonn aasantina aasui kani utaal, ima le ye Uwumbɔr ubaa aasui i u bun na.

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Aisaya 29:17

Liyataŋakl libaa bi ke, naan yunn le kichook kpaln baah ko nin chee na, le baah ko nin chee na ga ki kpaln kichook.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 32:20

nimi tee ga li kpa mpopiin, nimi aajikaar ga kan nnyun, le timoor mu ga li bi ni kookoo nimi aawakor ŋmɔ.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Lituln 1:15

N‑yoonn ngbaan, le binib bi dii Yesu na nan kuun tɔb chee. Bi ga nan li fuu binib nkub ni moninko. Le Piita fii sil bikaasisik ni, ki bui bi,

Lituln 2:41

Le bi muin binib bi gaa Piita aah len pu na nnyun ni. Liyaadaal ngbaan le binib ŋichur ŋitaa ŋmar, ki kpee bi pu.

Lituln 4:4

Binib bi ŋun Piita ni Jɔnn aah len pu na, bi ponn ni pam nan gaa Yesu ki kii. Bijab bi gaa u ki kii na ga nan li fuu ŋichur ŋiŋmu.

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.

Tibɔkpiirkaan 7:9

Nimina aapuwɔb le m kan kinipaak sakpeŋ. Ubaa aa ti ki nyi baakahm. Bi nyan ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, ki si Uwumbɔr aabɔrjal ni Upihbo ngbaan aanimbiin ni, ki pee tikparpipiin, ki ŋub tibɔkpafar biŋaal ni,