Ilahn 72:15 - Uwumbɔr aagbaŋ

¹⁵ Uwumbɔr tii ubɔr limɔfal li fɔk na. Cha Arabia yaab tii u salmaa; cha bi mee limeel tii u n‑yoonn mɔmɔk; cha Uwumbɔr aanyoor li bi u pu n‑yoonn mɔmɔk.

Ilahn 72:15 ပူးပေါင်းရင်းမြစ်များ

1 Bibɔrb 10:10

U nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ tiib nkub na, ni tulalee ni ŋitakpanyaan ŋi wiir sakpen na. Waah nan tii u tulalee u na nan jer waah kani tulalee aapiin i binib chee na.

1 Bibɔrb 10:14

Libiln mɔk ni kan, Ubɔr Solomonn nan kani salmaa u aanyunyuun ga pii njikaabim bɔtɔ tiib ikui iŋmu na,

2 Bibɔrb Aabɔr 9:1

Seba aatiŋ aapiibɔr nan ŋun Solomonn aayimbil pu, le ki buen Jerusalem aatiŋ ni ke u ti di mbaan mu pɔɔ sakpen na tɔŋ u ki lik. Bitutum pam le nan dii u buen, ki kpee laakumii tiib bi tu tulalee aabɔŋ aabɔŋ, ni ŋitakpanyaan na, ni salmaa u wiir sakpen na. U ni Solomonn aah nan ti kal ke bi gbaa tibɔr na, u nan baa u mbaan pɔɔl mumɔk u nan joo uyil ni na.

Ilahn 21:4

U mee si limɔfal, le aa tii u limɔfal li fɔk kaa kpa ndoon na.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Aisaya 60:6

Laakumii tiib pam ga ki nyan ni Midiann, ni Efa aatim ni ki fuu ni. Bi nyan ni Seba, ki joo ni salmaa ni tulalee. Binib ga len tibɔnyaan ngbaan, bi ga len Uwumbɔr aah ŋa pu na.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Matiu 21:9

Le binib bi loln u pu nsan na, ni binib bi paa puwɔb na nan bi tar ke, “Hosiana, pakn Ubɔr David Aayaabil man. Uwumbɔr ŋa tinyoor ŋa unii u choo waayimbil ni na pu. Hosiana bi paacham.”

Matiu 6:10

Saanaan dan. Bi li ŋani saageehn dulnyaa wee ni ke baah ŋani paacham pu na.

Jɔnn 11:25

Le Yesu bui u, “U fikr binib nkun ni, ki tii bi limɔfal na le ye min. Unii umɔk gaa mi ki kii na, u yaa kpo kan, u ga li kpa limɔfal.

Jɔnn 14:19

Ni gur siib le dulnyaa aanib aan ki kan mi. Nimi le ga kan mi. Maah kpa limɔfal na, nima pu le ni mu ga li kpa limɔfal.

Jɔnn 5:23

aan binib mɔmɔk nyuŋ min Ujapɔɔn ke baah nyuŋ Nte Uwumbɔr pu na. Unii umɔk kaa nyuŋ min Uwumbɔr Aajapɔɔn na, waa nyuŋ Uwumbɔr u tun ni mi na le na.

Filipi 2:11

Bi mɔmɔk pel pel ga len binib ni, ke Yesu Kristo le ye tiwan ni binib mɔmɔk Aadindaan. Nima le ga nyuŋ Tite Uwumbɔr.

1 Tesalonika 3:11

M mee Tite Uwumbɔr ni Tidindaan Yesu ke bi tii timi nsan aan ti dan ni chee.

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.

2 Piita 3:18

Ni moo gaa Tidindaan Yesu Kristo u gaal timi lir na aaterm, ki li moo bae waaliin. Uma le yeh mpakm dandana wee ki ti saa n‑yoonn mu kaa kpa ndoon na. Amii.

1 Jɔnn 1:2

Yesu, u ye limɔfal ngbaan na, nan di ubaa mɔk timi. Le ti kan u. Nima pu le ti ji seeraa, le ki tuk nimi limɔfal ngbaan aabɔr. Yesu le ye limɔfal li kaa kpa ndoon na daan. N‑yoonn mɔmɔk u nan bi Tite Uwumbɔr chee, le ki di ubaa nan mɔk timi.

Juud 1:25

Uwumbɔr baan baanja le bi. Tidindaan Yesu Kristo pu le u nyan timi ntafadaan ni, ki gaa timi lii. Uwumbɔr le yeh nnyuŋ, ni mpakm, ni mpɔɔn mɔmɔk, ni tiwan mɔmɔk, n‑yoonn mu jer na, ni dandana wee, ni n‑yoonn mu kaa kpa ndoon na. Amii.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.