Ilahn 72:10 - Uwumbɔr aagbaŋ

¹⁰ Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Ilahn 72:10 ပူးပေါင်းရင်းမြစ်များ

Mpiin 10:7

Kus aayaabitiib le ye Seba yaab, ni Hafila yaab, ni Sabata yaab, ni Raama yaab, ni Sabateka yaab. Raama aayaabitiib le ye Seba yaab, ni Dedann yaab.

1 Bibɔrb 10:1

Seba Aapiibɔr nan ŋun Solomonn aayimbil pu, le ki buen Jerusalem aatiŋ ni ke u ti di mbaan mu pɔɔ sakpen na tɔŋ u ki lik.

1 Bibɔrb 10:10

U nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ tiib nkub na, ni tulalee ni ŋitakpanyaan ŋi wiir sakpen na. Waah nan tii u tulalee u na nan jer waah kani tulalee aapiin i binib chee na.

1 Bibɔrb 10:2

Bitutum pam le nan dii u buen, ki kpee laakumii tiib bi tu tulalee aabɔŋ aabɔŋ, ni ŋitakpanyaan na, ni salmaa u wiir sakpen na. U ni Solomonn aah nan ti kal ke bi gbaa tibɔr na, u nan baa u mbaan pɔɔl mumɔk u nan joo uyil ni na.

1 Bibɔrb 10:25

Unii umɔk nan choo na nan joo ni Solomonn ipiin: tikunabr ni salmaa aawan, ni tiwanpeenkaan, ni tijawan, ni tulalee, ni itaan, ni tiwakor ti naahn itaan ki bi ke ibon na. Libiln mɔk kan, bi nan joo ni kina le nan tii u.

2 Bibɔrb Aabɔr 9:21

U nan kpa nnyusakpem aaŋɔi, le i ni Ubɔr Hiram aaŋɔi nan chuun. Libitatar mɔk ni kan, i nan joo ni u salmaa, ni tikunabr, ni iluub aanyin, ni ŋikpal, ni ilatan la.

Esta 10:1

Tɔ, Ubɔrkpaan Sekes nan siin mpɔɔn aakaal mu cha binib bimɔk bi waanaan ni na tun lituln tii nnaan ngbaan na.

Ilahn 45:12

Taya aatiŋ aanib ga joo ni si ipiin, biwankpadam ga dan nan ban ke bi piir aasui.

Ilahn 68:29

ki nyan Saadichal li bi Jerusalem ponn ni, nin chee bibɔrb joo ni si baapiin na.

Ilahn 68:30

Kae kipeewanbiik Ijipt u bi likal ni na; kae ŋitimbol ŋi ye inaaja ni yaanaabi na, ki ti saa buyoonn bi mɔmɔk ga nan gbaan ki tii si tikunabr aapiin na. Yaa binib bi gee butɔb na.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Aisaya 60:6

Laakumii tiib pam ga ki nyan ni Midiann, ni Efa aatim ni ki fuu ni. Bi nyan ni Seba, ki joo ni salmaa ni tulalee. Binib ga len tibɔnyaan ngbaan, bi ga len Uwumbɔr aah ŋa pu na.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.