Ilahn 71:22 - Uwumbɔr aagbaŋ

²² M ga sil di kibeek gaa ilahn ki pak si. Maawumbɔr, m ga pak si saaŋann sakpenn pu. M ga di maabeek tii sin u ye Israel yaab Aawumbɔr u bi chain na kipak.

Ilahn 71:22 ပူးပေါင်းရင်းမြစ်များ

2 Bibɔrb 19:22

Aa dak ke ŋma aan aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Ilahn 138:2

Saageehm mu bi n‑yoonn mɔmɔk na, ni saah ŋani saah len pu na, le m fenn lik saadichal wɔb, ki gbaan kitiŋ ki pak saayimbil, ba pu? aa mɔk ke saayimbil ni saakaal le jer tiwan mɔmɔk.

Ilahn 144:9

Uwumbɔr, m ga gaa nlahnpɔɔn tii si, m ga gbaa kibeek ki gaa ilahn tii si.

Ilahn 25:10

U gee binib bi tii waah pu tipuur ti na naadii ki keei waamɔb na; u mɔk bi waasan, ki ŋani waah len pu na.

Ilahn 33:2

Di tibar doon Uwumbɔr man, di ikuŋmin aawangbaakaan gaa ilahn tii u man.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 56:4

M kpa Uwumbɔr pu gaakii le kaa san ijawaan; m pak u waah puu tipuur ti na pu. Unibɔn aan ŋmaa ŋa mi nibaa.

Ilahn 78:41

Bi tɔŋni Uwumbɔr, ki ki gir tɔŋni u, ki cha uma Israel yaab Aawumbɔr u bi chain na aasui bii.

Ilahn 89:1

Uwumbɔr, n‑yoonn mɔmɔk m ga li gaa ilahn saageehm mu bi n‑yoonn mɔmɔk na pu; m ga li mooni ke aa ŋani saah len pu na ki ti saa n‑yoonn mu kaa kpa ndoon na.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Ilahn 98:4

Kitiŋ mɔmɔk, gaa mpopiin aalahn tii Uwumbɔr, di ilahn pak u ki li joo mpopiin tar.

Ilahn 98:5

Gaa ilahn pak Uwumbɔr man. Di tibar gaa ilahn man.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 5:19

Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Rom Yaab 15:8

M tuk nimi la, Kristo nan ter Juu yaab ki gbiin Uwumbɔr aah nan puu tipuur tii biyaajatiib pu na, ki mɔk ke Uwumbɔr len mbamɔn la,