Ilahn 71:2 - Uwumbɔr aagbaŋ

² Saabimbinyaan pu, ter mi ki gaa mi lii. Pel m chee ki ter mi.

Ilahn 71:2 ပူးပေါင်းရင်းမြစ်များ

Ilahn 143:1

Uwumbɔr, ŋun maameel. Saaŋann pu, ŋun maah gaŋni si pu na. Aa ye mbamɔndaan, kii maagaŋ ngbaan.

Ilahn 143:11

Uwumbɔr, saah nan puu ke aa ga ŋa pu na, gaa mi lii; saaŋann sakpenn pu, nyan mi maabɔr ni.

Ilahn 17:2

Aa ga len tibɔr kpee m pu, ba pu? aa nyi ni ye ibamɔn na.

Ilahn 17:6

Uwumbɔr, m mee si la, ba pu? aa keei mi, kina pu na, fenn ni m chee ki ŋun maamɔbon.

Ilahn 31:1

Uwumbɔr, m dan aa chee, ki ban ke aa li kii mi la; taa cha bi nyaŋ mi daalbaadaal. Aa ye Uwumbɔr u ŋani ni ŋan na, m mee si, gaa mi lii.

Ilahn 31:2

Pel m chee. Gaa mi lii dandana. Li ye u ga li kii mi na; li ye u ga gaa mi lii na.

Ilahn 34:15

Uwumbɔr lik binib bi aabimbin ŋan na pu, le ki ŋun baawiil pu;

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.