Ilahn 71:19 - Uwumbɔr aagbaŋ

¹⁹ Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 71:19 ပူးပေါင်းရင်းမြစ်များ

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Ilahn 139:6

Saah nyi mi pu na ti nyaŋ sakpen a; ni nyaŋ maah nyi pu na.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 36:7

Uwumbɔr, saageehm mu bi n‑yoonn mɔmɔk na jer liwangol mɔmɔk la, ti kan mbɔbɔryaan aa chee ke ikoobi aah kani pu ina aafeen taab na.

Ilahn 57:10

Saageehm mu bi n‑yoonn mɔmɔk na fuur paacham; le saaŋann taln ti fuu kitaapaak.

Ilahn 72:18

Pak Uwumbɔr u ye timi Israel yaab Aadindaan na. Uma baanja le tun ŋitusakpiin ngbaan.

Ilahn 86:8

Uwumbɔr, liwaal libaa aa bi ke sin na, ubaa aa kee ŋa tiwan ni aa ŋa na.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ŋiyataŋak 24:7

Unii u kaa kpa nlan na aa beer nlan aabɔr aatataa. Bi yaa bi kpokl tibɔkpaan kan, u ka ŋmin la.

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 40:25

Ti ga di Uwumbɔr u bi chain na ŋaŋ ŋma? Ubaa ki bi ke uma na aa?

Aisaya 5:16

Uwumbɔr Mpɔɔnsakpiindaan ŋani ni ŋan na la, le waapɔɔn nyan mpaan pu. Le waah ga ji waanib tibɔr pu na le ga mɔk waah bi chain pu na.

Aisaya 55:9

Kitaapaak aah daa kitiŋ pu na, kina le maabimbin ni maalandak ŋan jer nimi yoo.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Tibɔnyaan ti Luk ŋmee ti na 1:49

ba pu? Uwumbɔr u kpa mpɔɔn na tun litukpaan ki tii mi. Waayimbil ye chain la.

Ikaal 3:24

‘Ndindaan Uwumbɔr, m nyi ke aa piin ki mɔk mi saah ga ŋa tiwan sakpenn, ni iwaan aawan ni aa ban ke aa ŋa na. Liwaal libaa aa bi paacham, bee kitiŋ pu, ki ga ŋmaa ŋa tiwan sakpenn nimɔk aa ŋa na.