Ilahn 71:16 - Uwumbɔr aagbaŋ

¹⁶ Ndindaan Uwumbɔr, m ga pak saapɔɔn; m ga moon sin baanja aaŋann le pu.

Ilahn 71:16 ပူးပေါင်းရင်းမြစ်များ

Ilahn 106:2

Ŋma ga ŋmaa bee waah tun ŋitukpaan ŋi na? Kipak kibaa aa bi ki ga ŋeer u.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 51:14

Uwumbɔr, taa junn maamɔfal. Nya mi tibɔbir ni, aan m di mpopiin moon saah kpa mbimbinyaan pu na.

Ilahn 71:15

M ga bui binib saah kpa tiŋann pu na; m ga li len saah gaal binib lir pu na ki ti saa nwiin aah ga lir pu na, tɔ, ni mu tee jer maah ga ŋmaa bee pu na.

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 71:2

Saabimbinyaan pu, ter mi ki gaa mi lii. Pel m chee ki ter mi.

Ilahn 71:24

M ga li len binib chee saah kpa tiŋann sakpen pu na, ki ti saa nwiin aah ga lir pu na; ba pu? binib bi pɔɔn bibaa ke bi tii mi titotonn na lir, le ki jin inimɔɔn.

Aisaya 26:13

Tidindaan Uwumbɔr, dindaayayan le nan joo timi, sin baanja mu le ye Tidindaan.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Rom Yaab 1:17

Tibɔnyaan ngbaan mɔk timi ke unii yaa gaa Yesu Kristo ki kii kan, Uwumbɔr ga len ke waabɔr ŋan. Ni ŋmee Uwumbɔr Aagbaŋ ni ke, “Uninyaan aah gaa Uwumbɔr ki kii na, u ga li kpa limɔfal.”

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.

Rom Yaab 3:21

Dandana wee, Uwumbɔr mɔk timi waah ga ŋa pu ki len ke timi aabɔr ŋan na. Waakaal ni waabɔnabtiib aaliin le bi waagbaŋ ponn ni, ki mu tuk timi kina la. Naa ye ke ti dii waakaal mbamɔm le cha u len.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Filipi 3:9

ki kpaan u ni. M yaa dii Moses aakaal kan, nima le aan cha Uwumbɔr len ke maabɔr ŋan. Maah gaa Kristo ki kii na, nima le cha Uwumbɔr len ke maabɔr ŋan; m gaa Yesu Kristo ki kii le ki ŋan Uwumbɔr chee.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

2 Tesalonika 1:6

Ni ye mbamɔn, Uwumbɔr len ke ni ŋan ke binib bi ŋani nimi falaa na, u mu ŋa bi falaa,

2 Timoti 2:1

Maabo, pɔɔk aataakpab Yesu Kristo aah ter si pu na.