Ilahn 71:15 - Uwumbɔr aagbaŋ

¹⁵ M ga bui binib saah kpa tiŋann pu na; m ga li len saah gaal binib lir pu na ki ti saa nwiin aah ga lir pu na, tɔ, ni mu tee jer maah ga ŋmaa bee pu na.

Ilahn 71:15 ပူးပေါင်းရင်းမြစ်များ

1 Bibɔrb Aabɔr 16:23

Dulnyaa wee mɔmɔk, gaa ilahn tii Uwumbɔr. Iwiin mɔmɔk kan, ni li mooni waah gaa timi lii pu na aabɔnyaan.

Ilahn 145:2

M ga li dooni si iwiin mɔmɔk; m ga li pak si ki ti saa n‑yoonn mu kaa kpa ndoon na.

Ilahn 30:12

Kina pu na, maan li ŋmin, m ga gaa ilahn ki pak si. Uwumbɔr, sin le ye Maawumbɔr, m ga li dooni si n‑yoonn mɔmɔk.

Ilahn 35:28

Le m ga moon saatunyaan aabɔr ki li pak si nwiin ni mu aalirm.

Ilahn 40:12

Tibɔr pam le mann goln mi, tibɔbir ti maan ŋmaa kahn ti na. Maatunwanbir chuu mi a, le maa ki waa; ti wiir jer n‑yil paab aayikpir, le ntaakpab yɔl.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 40:6

Saa ban tiwakor ni tijikaar aatork; saa ban ke m di tiwakor toor kitork ki di see mmii kitork aabimbiln paab tii si, kaa ban ke m toor kitork titunwanbir pu, aa tee tii mi ŋitafal ke m ŋun tii si,

Ilahn 51:16

Aa yaa ba ban kitork kan, m ba ga toor kitork tii si; saa neen kitork ki bi joo seer mmii ni tii si na.

Ilahn 71:24

M ga li len binib chee saah kpa tiŋann sakpen pu na, ki ti saa nwiin aah ga lir pu na; ba pu? binib bi pɔɔn bibaa ke bi tii mi titotonn na lir, le ki jin inimɔɔn.

Ilahn 71:8

M pak si ni nwiin aah ga ti lir pu na, ki mooni saapak aah bi pu na.

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Ilahn 89:16

Sin pu le bi mɔɔni n‑yoonn mɔmɔk, le ki pak si, saaŋann pu.

Ŋiyataŋak 5:2

Kina kan, aa ga li nyi saah ga li bi pu na, ki cha saamɔliin mɔk ke aa kpa nlan.

Bibɔjirb 5:11

Li pel man, kinipaak aafuuk ki bi ŋibun chee na; bi len Uwumbɔr aanyaŋ aabɔr la, bi bi len Israel aanib aanyaŋ pu la. Le Uwumbɔr aanib chɔr nyan baatim ni.