Ilahn 7:17 - Uwumbɔr aagbaŋ

¹⁷ M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Ilahn 7:17 ပူးပေါင်းရင်းမြစ်များ

2 Samuel 3:29

Waakun ngbaan aatafadaan lir Joab ni waadichal pu. N‑yoonn mɔmɔk kan, waamaal ponn ni aajab ubaa li kpa ulool aabuun, bee tiwon aaween i bir na ibaa, bee u li ye uja u ga ŋmaa tun bipiib aatuln baanja na, bee bi ku u butɔb ni, bee u taa li kpa u ji.”

1 Bibɔrb 2:32

Uwumbɔr ga daa Joab aatafal, waah nan ku binib bi nte David aa nyi ti ponn ni na pu. Joab nan ku binib bilee bi kaa nan tun taani ubaa ki soor u na: u nan ku Israel aajab aaninkpel Abner, ni Juda aajab aaninkpel Amasa.

Esta 9:25

Le Esta nan buen ubɔr chee, le ubɔr siin nkaal mu bi ŋmee bil aan Hamann tee labr jin nkaal ngbaan aafalaa u u nan kpokl ke Juu yaab nan ji na; bi nan leen u ni ujapɔtiib ŋikpan pu.

Ilahn 111:3

Waah tun ni mɔmɔk na kpa kipak ni nnaan aapɔɔn la; waabimbinyaan aa kpa ndoon.

Ilahn 140:10

Cha mmiisakɔn mu kpa mmii na lir bi pu; cha bi di bi mee ŋa mbuu mu ponn ni baan ki ŋmaa nya ni na.

Ilahn 145:7

Bi ga len saah kpa tiŋann ti mɔmɔk na, ki di gaa ilahn.

Ilahn 35:28

Le m ga moon saatunyaan aabɔr ki li pak si nwiin ni mu aalirm.

Ilahn 51:14

Uwumbɔr, taa junn maamɔfal. Nya mi tibɔbir ni, aan m di mpopiin moon saah kpa mbimbinyaan pu na.

Ilahn 9:2

Sin pu le m ga di mpopiin gaa ilahn. Uwumbɔr Mpɔɔnsakpiindaan, m ga gaa ilahn ki pak si.

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Ilahn 92:8

ba pu? sin Uwumbɔr le bi n‑yoonn mɔmɔk ki kpa mpɔɔn jer mpɔɔn mɔmɔk.

Ilahn 98:2

Uwumbɔr moon waah kan linyaŋ pu na; u cha ŋitimbol bee ke u kpa mpɔɔn ki joo gaal binib lir.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Lituln 7:48

“Tɔ, Uwumbɔr u kaa kpa ŋeen aatɔ na aa bi binib aah maa ŋidichal ŋi na ponn ni baanja. Uwumbɔr aabɔnabr nan len ke Uwumbɔr len ke,

Bibɔjirb 9:24

Nimina nan ŋa kina ke Abimelek ni Sekem aatiŋ aajab bi nan pai u aan u ku Gideonn aajapɔtiib imonko itaa ni kipiik na kan baatunwanbir aatafadaan la.

Bibɔjirb 9:57

Gideonn aajapɔɔn Jotam aah nan puun lii Sekem aatiŋ aajab pu ki len ke bi ga ji falaa pu na, Uwumbɔr nan cha bi mu jin kina aafalaa.