Ilahn 7:10 - Uwumbɔr aagbaŋ

¹⁰ Uwumbɔr le ye maakikiir; u gaal binib bi mɔmɔk kii waamɔb na lir.

Ilahn 7:10 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 6:30

li pel waameel. Saah bi aado paacham na, pel ki di cha pinn bi. Sin baanja le nyi unibɔn aasui ponn ni aalandak. Unii aabimbin aah ŋeer pu na kan, aa ŋa udaan kina,

Job Aagbaŋ 8:6

le aa yaa si chob kaa kpa tijɔŋ tibaa kan, Uwumbɔr ga dan ki nan ter si ki giin saadichal siin saabimbinyaan ngbaan pu.

Ilahn 112:2

Uninyaan aabim ga li kpa mpɔɔn kitiŋ pu; uyaabitiib ga kan tinyoor.

Ilahn 125:4

Uwumbɔr, li kpa bininyaam bi joo saakaal na pu tiŋann.

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Ŋiyataŋak 11:20

Uwumbɔr aa gee binib bi kpa tilandakwanbir na, le ki tee gee binib bi ŋani ni ŋan na.

Ŋiyataŋak 2:21

Binib bi aabimbin ŋan na, ni binib bi kaa kpa beebee na ga li bi timi aatiŋ kee pu,

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”