Ilahn 69:9 - Uwumbɔr aagbaŋ

⁹ Maah neen saadichal pu na bi ke mmii le aah wu mponn ni na; ŋisiibil ŋi ye sin yee na choo min chee la.

Ilahn 69:9 ပူးပေါင်းရင်းမြစ်များ

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

1 Bibɔrb Aabɔr 29:3

M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

Job Aagbaŋ 19:13

Uwumbɔr cha nnaabitiib yii mi; m gur ye uchaan le binib bi nan nyi mi na chee;

Ilahn 119:139

Maadim aah kaa lik faar saakaal na, le ni wu mponn ni ke mmii na.

Ilahn 38:12

Binib bi ban bi ku mi na pen mi gaawɔb mam la, le binib bi ban bi tii mi titotonn na pɔɔni bibaa ke bi doo mi; n‑yoonn mɔmɔk bi kpokl ban mi la.

Ilahn 89:41

Unii umɔk jer na su waawangol la; binib bi koo gbɔk u na laa u la.

Rom Yaab 15:3

Kristo aa nan ban ke u li ŋani uma ubaa aageehn. Ni ŋmee Uwumbɔr Aagbaŋ ni ke, “Ŋisiibil ŋi ye sin yee na choo min chee la.”