Ilahn 69:4 - Uwumbɔr aagbaŋ

⁴ Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Ilahn 69:4 ပူးပေါင်းရင်းမြစ်များ

Ilahn 35:19

Taa cha maadim aasui piir maalirm pu; bi ye binyamɔndam la. Taa cha binib bi nan mi fam na laa mi, maasuubiin pu.

Ilahn 40:12

Tibɔr pam le mann goln mi, tibɔbir ti maan ŋmaa kahn ti na. Maatunwanbir chuu mi a, le maa ki waa; ti wiir jer n‑yil paab aayikpir, le ntaakpab yɔl.

Ilahn 59:3

Uwumbɔr, lik baah dɔ kii mi pu ke bi ku mi na; bibiindam le bi kuuni ki ban mi. Naa ye ke m tun titunwanbir, bee taani ubaa la,

Ilahn 6:7

Maadim aah cha m wii pu na duun duun nnimbil a, le maa ki waa mbamɔm.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

1 Piita 2:22

Waa nan ŋa titunwanbir aatuln libaa, ki mu aa nan mɔn nnyamɔn mubaa.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,