Ilahn 69:28 - Uwumbɔr aagbaŋ

²⁸ Ber baayimbil limɔfal aagbaŋ ni; taa cha bi kpaan saanib ni.

Ilahn 69:28 ပူးပေါင်းရင်းမြစ်များ

Aisaya 4:3

Binib bi Uwumbɔr lee bi, bi ŋmar ki bi Jerusalem na, bi ga li gur yin bi ke binib bi ye Uwumbɔr aanib na la.

Aisaya 65:16

Unii umɔk bi kitiŋ ngbaan pu na yaa ban tinyoor kan, u ga cha Uwumbɔr u ŋani waah len pu na le ŋa tinyoor ŋa u pu. Umɔk ban u puu tipuur na ga di Uwumbɔr u ŋani waah len pu na aayimbil le puu tipuur. N‑yoonn mu jer na aabɔbir mɔmɔk ga kuln.”

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Tibɔnyaan ti Luk ŋmee ti na 10:20

Tɔ, tiyayaar aah kii nimi aamɔb na, ni taa cha nima baanja le li ye nimi aapopiin. Nimi aayimbil aah ŋmee paacham na le ye mpopiin mbamɔm.”

Filipi 4:3

Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 22:19

Unii ubaa yaa bar kigbaŋ kee aabɔr ti tuk timi tiwan ni ga ŋa na kan, Uwumbɔr aan cha u moo limɔfal aasubil, kaan cha u koo ni kitiŋ ki bi chain na ponn ni, tiwanyaan ni bi ŋmee kigbaŋ kee ponn ni na.

Tibɔkpiirkaan 3:5

Unii umɔk nyaŋ na, m ga peen u libɔkupiln. Maan chuu ber waayimbil limɔfal aagbaŋ ni. M ga len ke u ye maanii, Nte Uwumbɔr ni waatuuntiib aanimbiin ni.