Ilahn 69:21 - Uwumbɔr aagbaŋ

²¹ Nkon aah nan chuu mi buyoonn na, le bi di njinn ŋa maajikaar ni; nnyunyuu aah chuu mi buyoonn na, le bi di tiwanyukaan ni mɔɔn na tii mi.

Ilahn 69:21 ပူးပေါင်းရင်းမြစ်များ

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Jeremia 23:15

“Kina pu na, min Uwumbɔr Mpɔɔnsakpiindaan aah len bibɔnabr bi bi Jerusalem ni na aabɔr pu na sɔ: M ga di tisufar ti to na le tii bi, bi ji, ki tii bi njinn bi nyu, ba pu? bi cha titunwanbir gbiin kitiŋ kee mɔmɔk la.”

Jeremia 8:14

Le Uwumbɔr aanib bui ke, “Ba ŋa ti ka ŋmin kina? Dan man, aan ti san buen ntim mu bi maa ŋigon gob mu na ponn ni ki ti kpo nima. Tidindaan Uwumbɔr le siin ke ti kpo; u di njinn le tii timi ke ti nyu, ba pu? ti tun titunwanbir la.

Jeremia 9:15

Kina pu na, li pel man, min, Uwumbɔr Mpɔɔnsakpiindaan, u ye Israel yaab Aawumbɔr na aah ban m ŋa pu na; m ga di tijikaar ti to na le tii maanib bi ji, ki tii bi njinn bi nyu.

Inandalahn 1:2

Kinyeek ni kitaak aawoln pu, kaanib wii la; le tinyunyunn puu dii bitakpin. Ubaa aa ki bi kijɔtiib mɔmɔk ponn ni ki ga sɔŋ kisui. Kimaantɔtiib di ki kooh a, le bi mɔmɔk gur ye kaadim.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Matiu 27:34

le binib bibaa di ndaan ni nnyɔk ki di ŋmal tɔb ponn ni, ki di tii Yesu ke u nyun. Waah lak lik na, le u yii, kaa nyun.

Matiu 27:48

Libuul ngbaan ni le bi ponn ni ubaa san buen ki ti yoor nkiisuk, ki nan di bɔn ndaan mu mɔɔn na ni, le ki di ŋa lidabil pu ki di ŋa umɔb chee ke u moor.

Tibɔnyaan ti Mak ŋmee ti na 15:23

Baah ti fuu nima chee na, le binib bibaa ban bi tii Yesu ndaan mu nnyɔk ŋmal mu ponn ni na ke u nyun. Le u yii, kaa nyun.

Tibɔnyaan ti Mak ŋmee ti na 15:36

Le bi ponn ni ubaa san buen ki ti yoor nkiisuk, ki nan di bɔn ndaan mu mɔɔn na ni, le ki di ŋa lidabil pu, ki di ŋa Yesu aamɔb chee ke u moor, le ki bui ke, “Di cha man, aan ti lik ke Elaija ga dan ki nan sunn ni u aan waan dan.”

Tibɔnyaan ti Luk ŋmee ti na 23:36

Butɔb aajab ngbaan mu nan ŋa u mbɔnyun, ki di ndaan mu mɔɔn na nyunn u,

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.