Ilahn 69:12 - Uwumbɔr aagbaŋ

¹² Bi kaa kitiŋ ponn ni le ki len mi, le bidanyurb naani mi ilahn.

Ilahn 69:12 ပူးပေါင်းရင်းမြစ်များ

Mpiin 19:1

Uwumbɔr aatuuntiib bilee ngbaan nan ti fuu Sodom aatiŋ ni, kijook wɔb la, le Lot mu nan ka mbisamɔb nin chee bi diir koo kitiŋ ni na. Lot aah kan bi na, u fii tooh bi nsan pu, le ki ti doon bi,

Ilahn 35:13

Le baah nan bun na, maa nan kpa mpopiin, le ki yii tijikaar; m nan tim n‑yil taab le ki mee Uwumbɔr bi pu,

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Matiu 27:20

Le Uwumbɔr aatotoorninkpiib ni Juu yaab aaninkpiib bui kinipaak ngbaan ke bi tuk Pailat ke u di Barabas lii, ki ku Yesu.

Tibɔnyaan ti Luk ŋmee ti na 23:2

le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

Ikaal 16:18

“Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.