Ilahn 68:7 - Uwumbɔr aagbaŋ

⁷ Uwumbɔr, saah nan cheen saanib buyoonn, ki nan di bi bɔ dii nteersakpiin ni na,

Ilahn 68:7 ပူးပေါင်းရင်းမြစ်များ

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 146:7

u len tibɔr ter baah muk binib bi na, ki tii nkon aah joo binib bi na tijikaar. Uwumbɔr nyani binib bi bi tiyondir ponn ni na lir,

Nnyam 13:21

Nwiin pu kan, Uwumbɔr nan bi ntaalangbam ni, le ki loln binib ngbaan pu nsan, le kinyeek kan, u bi mmii ni, ki wiin bi pu, nima kan, bi ga ŋmaa li chuun nwiin pu ni kinyeek.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 5:4

Uwumbɔr, saah nan nyan ni Seir aajool pu na, saah nan nyan ni Edom aapepel ni na, kitiŋ nan dam, le utaal nyan kitaapaak ki lir ni. Mbamɔn, nnyun nan nyan ni ntaalangbam ponn ni.