Ilahn 68:6 - Uwumbɔr aagbaŋ

⁶ U tii binib bi kaa kpa ubaa na nkookoo yaan, le ki nyani biyom kooni mpopiin aafuur ni, le binib bi yii waamɔb na ma ga li bi kitiŋ ki kaa kpa nibaa na ponn ni.

Ilahn 68:6 ပူးပေါင်းရင်းမြစ်များ

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 107:10

Binib bibaa nan bi mpombiin, ni mbɔmbɔɔn ni, ki ye biyom, ki bi tikululn aafalaa ni,

Ilahn 107:14

U nan nyan bi baapombiin ni mbɔmbɔɔn ni, ki geei baakululn na yuk yuk.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 113:9

U nyuŋni upii u kaa kpa ubo na waadichal ni; u tii u mbim, le usui piir. Pak Uwumbɔr man.

Ilahn 146:7

u len tibɔr ter baah muk binib bi na, ki tii nkon aah joo binib bi na tijikaar. Uwumbɔr nyani binib bi bi tiyondir ponn ni na lir,

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Ŋiyataŋak 23:11

Uwumbɔr le ye mpɔɔndaan u kii bi na, le ki ga cha aa ni uma le ji tibɔr.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Malakai 1:3

le ki yii Esɔ ni uyaabitiib. M nan bii Esɔ aatiŋ ki bi ŋigongon ni na, ki cha ki kpaln ipeel aatiŋ.”

Lituln 16:26

Libuul ngbaan ni le kitiŋ deŋ sakpen, ki cha kiyondiik aadinyikl mu deŋ. Libuul ngbaan ni le kiyondiik aajaaleŋ mam mɔmɔk chuu piir. Le binaagbiib mɔmɔk aakululn chuu gbiln lir.

Galantiya 4:27

Ni ŋmee Uwumbɔr Aagbaŋ ni ke, “Upii u kaa ma mbim na, u li kpa mpopiin. Imalween aah kaa chuu upii u na, u li tar mpopiin ngbaan pu; ba pu? upii u aachal yii u na aabim wiir ki jer upii u kpa chal na aabim.”

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

1 Samuel 2:5

Binib bi nan kpa ki ji babr na gur joo bibaa le kooh ki kpiini bibaa; nkon aah nan joo bi na gur ji gunni la. Upii u nan ye uŋoob na gur kpa mbim mulole la, le upii u nan kpa mbim pam na aa ki kpa ubaa gur.