Ilahn 68:35 - Uwumbɔr aagbaŋ

³⁵ Uwumbɔr aah nyan waadichal ni ki choo pu na kpa ijawaan la. Uma le ye Israel yaab Aawumbɔr. U tii waanib mpɔɔn ni tiwon aapɔɔn. Pak Uwumbɔr man.

Ilahn 68:35 ပူးပေါင်းရင်းမြစ်များ

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Job Aagbaŋ 37:22

Nwiihn mu naahn salmaa na bi ŋŋangan wɔb, le Uwumbɔr aapak chuu timi ijawaan.

Ilahn 29:1

Nimi paacham yaab, pak Uwumbɔr man, pak waapɔɔn ni waanyuŋ man.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ilahn 47:2

Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Ilahn 66:20

M pak Uwumbɔr, ba pu? waa yii maameel, kaa munn mi waageehm mu bi n‑yoonn mɔmɔk na.

Ilahn 66:5

Dan ki nan lik man Uwumbɔr aah ŋa waatusakpeln li binib ponn ni na.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Nnyam 15:1

Nima chee le Moses ni Israel yaab nan gaa nlahn mumina ki pak Uwumbɔr: “M ga gaa ilahn ki pak Uwumbɔr, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.

Aisaya 40:29

U pɔɔk binib bi bak aan biwon yɔl na aataakpab.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,