Ilahn 68:29 - Uwumbɔr aagbaŋ

²⁹ ki nyan Saadichal li bi Jerusalem ponn ni, nin chee bibɔrb joo ni si baapiin na.

Ilahn 68:29 ပူးပေါင်းရင်းမြစ်များ

1 Bibɔrb 10:10

U nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ tiib nkub na, ni tulalee ni ŋitakpanyaan ŋi wiir sakpen na. Waah nan tii u tulalee u na nan jer waah kani tulalee aapiin i binib chee na.

1 Bibɔrb Aabɔr 29:3

M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

2 Bibɔrb Aabɔr 32:23

Binib pam nan dan Jerusalem ki joo ni ipiin nan tii Uwumbɔr ni Hesekia, le Hesekia nan kan liyimbil ŋitimbol mɔmɔk chee ki joo cha.

2 Bibɔrb Aabɔr 32:33

Hesekia nan kpo, le bi di u sub nnaan aacheek ni, paacham aapepel ni. Juda ni Jerusalem aanib mɔmɔk nan tii u kinyuŋ sakpeŋ waakun yoonn. Ujapɔɔn Manase le nan gaa waanaan ki ye ubɔr.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Ilahn 45:12

Taya aatiŋ aanib ga joo ni si ipiin, biwankpadam ga dan nan ban ke bi piir aasui.

Ilahn 76:11

Tiin Uwumbɔr naah puu ke ni ga tii u pu na; ŋitimbol ŋi mɔmɔk bi ki duun na, li joo ni ipiin nan tii u man. Uwumbɔr cha unibɔn san u ijawaan;

Aisaya 18:7

N‑yoonn choo le Uwumbɔr Mpɔɔnsakpiindaan ga nan gaa ipiin nyan ni kitiŋ ki ŋimɔɔ yakr ki na chee, litimbol ngbaan le kpa mpɔɔn ki pɔɔ, le ki kpa binib bi fɔk, aan biwon joon kpal kpal, aan dulnyaa wee aanib san bi ijawaan na. Bi ga li joo ni ipiin ngbaan ki dan Sionn aajool pu, nin chee bi dooni Uwumbɔr Mpɔɔnsakpiindaan na.