Ilahn 68:26 - Uwumbɔr aagbaŋ

²⁶ “Pak Uwumbɔr, waanib aakuun ni man; Nimi bimɔk ye Jakob aayaabitiib na, pak Uwumbɔr man.”

Ilahn 68:26 ပူးပေါင်းရင်းမြစ်များ

Ilahn 107:32

Ni ŋan ke bi moon waah kpa mpɔɔn pu na, kinipaak aah kuun nin chee na, ki pak u bininkpiib aakuun ni.

Ilahn 111:1

Pak Uwumbɔr man. M ga di nsui mɔmɔk pak Uwumbɔr, waanib aah kuun nin chee na.

Ilahn 26:12

M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.

Ilahn 87:7

Bi waa liwaal le ki gaa nlahn ke, “Sionn ponn ni le timi aanyoor mɔmɔk bi.”

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Ŋiyataŋak 5:16

Saah ma mbim mu bipiib biken chee na aan ŋa si tinyoor.

Aisaya 48:1

Nimi Israel aanib bi ye Juda aayaabitiib na, li pel man tibɔr tee: Ni puu tipuur Uwumbɔr aayimbil pu, ki bui ke ni dooni nimi Israel yaab Aawumbɔr la, le naa bi nisui ni kpala.

Ikaal 33:28

Nima pu na, le Jakob aayaabitiib bi bibaa pu, ki kpa nsuudoon, ni mpɔɔn, ki bi kitiŋ ki gbii tijikaar, ni ŋisubil aadaan na, nin chee limaln nyani kitaapaak ki sɔŋni kitiŋ ngbaan n‑yoonn mɔmɔk na.