Ilahn 68:17 - Uwumbɔr aagbaŋ

¹⁷ Uwumbɔr ga di waataan aatɔroku mam ŋichur ŋichur bi kpa mpɔɔn na nyan ni Sainai aajool ki nan koo ni nin chee bi chain na.

Ilahn 68:17 ပူးပေါင်းရင်းမြစ်များ

2 Bibɔrb 2:11

Bi nan chuun cha le ki beenin gbaa tibɔr; libuul ngbaan ni le mmii aataan aatɔroku, u mmii aataan dar u na nan koo bikaasisik ni, le kinaakpaajabuŋ yoor Elaija di buen paacham.

Ilahn 18:10

U nan fii mala, tiwan ni kpa ifeen na pu, u nan chuun libuln pu la.

Ilahn 9:12

Uwumbɔr teer binib bi ji falaa na pu; waa suln baawiil bɔr, le ki dar binib bi tun bi taani na aatafal.

Nnyam 3:5

Le Uwumbɔr bui u ke, “Taa fuu ni mmii ngbaan chee. Chuu takl saanaatak ngbaan; saah si nin chee na ye kitiŋ ki bi chain na la.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Esekiel 43:9

Dandana, bi di cha ŋiwaa aadiim ki kur baabɔrb aakpab. Bi yaa ŋa kina kan, m ga li bi bikaasisik ni ki ti saa n‑yoonn mu kaa kpa ndoon na.”

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.

Matiu 26:53

Saa nyi ke m yaa mee Nte Uwumbɔr kan, u ga tun ni bituuntiib bi jer ŋichur kipiik ni ŋilee na m chee dandana aa?

Ikaal 33:2

Uwumbɔr nan nyan ni Sainai Aajool paab, u nan fii Edom ke nwiin na, le waawiihn nyan ni Parann Aajool paab ki woln waanib pu. Waatuuntiib ŋichur kipiik nan bi u chee ke mmiigaal mu nyan ni uŋangii wɔb na.

Tibɔkpiirkaan 5:11

Le m lik ki kan Uwumbɔr aatuuntiib ŋichur ŋichur, kaa ti nyi baakahm. Bi si gob Uwumbɔr aabɔrjal, ni tiwanfuurkaan, ni bininkpiib ngbaan.

Tibɔkpiirkaan 9:16

Bi nan kpa butɔb aajab bi dik itaan pu na. Le m ŋun baakahm aah ye pu na. Bi nan ye butɔb aajab ŋichur ŋichur ikui ilee.