Ilahn 66:2 - Uwumbɔr aagbaŋ

² Gaa ilahn ki nyuŋ waayimbil, ki tii u kinyuŋ aapak.

Ilahn 66:2 ပူးပေါင်းရင်းမြစ်များ

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 106:2

Ŋma ga ŋmaa bee waah tun ŋitukpaan ŋi na? Kipak kibaa aa bi ki ga ŋeer u.

Ilahn 107:15

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 68:33

u chuun n‑yaayoonn na aataapaak ni na. Li pel man waah tar mpɔɔn pu pu na.

Ilahn 72:18

Pak Uwumbɔr u ye timi Israel yaab Aadindaan na. Uma baanja le tun ŋitusakpiin ngbaan.

Ilahn 79:9

Uwumbɔr, ter timi, ki gaa timi lii; sin aabaa aanyuŋ pu, gaa timi lii, ki di cha timi aatunwanbir pinn timi.

Aisaya 42:12

Cha binib bi koo ntim mu bi dandar na tii Uwumbɔr kipak ni kinyuŋ.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Tibɔkpiirkaan 5:13

Le m ŋun binib bi bi paacham na, ni binib bi bi kitiŋ na, ni binib bi bi kitiŋ aataab na, ni tiwan nimɔk bi nnyusakpem ni na, ni Uwumbɔr aah naan tiwan nimɔk na mɔmɔk len ke, “Uwumbɔr u ka libɔrjal pu na, ni Upihbo ngbaan le yeh mpakm, ni lisil, ni nnyuŋ, ni mpɔɔn, n‑yoonn mu kaa kpa ndoon na.”