Ilahn 63:1 - Uwumbɔr aagbaŋ

¹ Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Ilahn 63:1 ပူးပေါင်းရင်းမြစ်များ

2 Samuel 15:28

N‑yoonn mue na, m ga li kii si, baah puur limɔɔl nin chee kipɔɔk ni na, ki ti saa buyoonn aa ga tii ni mi lilambil na.”

1 Bibɔrb Aabɔr 16:14

Uwumbɔr le ye Tidindaan, waakaal ye dulnyaa wee mɔmɔk aakaal la.

Job Aagbaŋ 8:5

Tɔ, fenn ki gaŋ Uwumbɔr Mpɔɔnsakpiindaan;

Ilahn 118:28

Aa ye Maawumbɔr la, le m dooni si, m ga moon saah kpa mpɔɔn pu na.

Ilahn 119:81

Uwumbɔr, maah kii si ke aa nan gaa mi lii pu na cha nwon mɔmɔk kpo a; m di maagaakii ŋa saabɔr ni la.

Ilahn 143:10

Sin le ye Maawumbɔr; mɔk mi aan m ŋa saageehn. Li gee mi, ki mɔk mi nsanyaan.

Ilahn 143:6

M yoor ŋŋaal paacham ki mee si; m neen si ke kitikuun aah neen nnyun pu na la.

Ilahn 31:14

Uwumbɔr, le m tii si naadii; sin le ye Maawumbɔr.

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 5:3

aa ŋun maameel kichakpiik ni; nwiin yaa puu kan, le m di maameel tii si, ki kii saah ga gar mu pu na.

Ilahn 78:34

Buyoonn u ti ku bi ponn bibaa na, le bi gur na tee fenn gir ni u chee, ki yii titunwanbir ki di bisui mɔmɔk mee u.

Ilahn 84:2

M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Ilahn 91:2

ga bui u ke, “Sin le kii mi ki joo mi. Sin le ye Maawumbɔr, sin pu le m mak.”

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 17:3

Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Ŋiyataŋak 8:17

M gee binib bi gee mi na; unii umɔk ban mi na ga kan mi.

Solomonn Aalahn 5:8

Jerusalem aapiib, puu tii mi man ke ni yaa kan mbɔɔn kan, ni ga bui u ke maah neen pu ke m kan u na yɔl nwon mɔmɔk a.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 35:7

litambol li nan ton ki seer binib na ga kpaln kibɔɔk la, le kitiŋ nin chee nan kuun na ga kpaln inyunbun ŋmeen. Nin chee ikakal nan koo na, kipuuk ni aamoor ni tikal le ga gaa nima.

Aisaya 41:18

M ga cha ŋimɔɔ puu ŋigongon ŋi pu aa nan kpa nibaa na, aan inyunbun mu puu ŋifatan ni. M ga cha nteersakpiin pu kpaln tibɔr ŋmeen, aan kitiŋ nin chee aa nan kpa nnyun na kpaln inyunbun i puu na.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Matiu 12:43

“Tiyayaar yaa nyan unii ni kan, ti ga li chuun gɔr nnyun aah kaa bi kipɔɔk ki ponn ni na, ki ban taah ga kal nin chee ki fuur na, kaan kan.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Jɔnn 20:17

Le Yesu bui u, “Taa meeh mi. Maa kee buen paacham, Nte Uwumbɔr chee. Li cha ki ti tuk nnaabitiib ke m cha paacham, Nte u ye Maawumbɔr na chee la, u ye ni mu Aate, ki ye ni mu Aawumbɔr na.”

Jɔnn 7:37

Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

1 Samuel 22:5

Le Uwumbɔr aabɔnabr Gad dan David chee ki nan bui u ke, “Taa li ka do. Li cha Juda aatiŋ ni mala.” Kina pu le David nyan nima ki buen Heref aachook ni.