Ilahn 62:4 - Uwumbɔr aagbaŋ

⁴ Ni ban ke ni nyan u waah bi nin chee ki kpa kipak na, le ki jinn u inimɔɔn; ni geei inyamɔn le ni mɔ nimi. Ni len tinyoor aabɔlen la, le nisui ponn ni ma kan, ni puuni lir u pu.

Ilahn 62:4 ပူးပေါင်းရင်းမြစ်များ

Ilahn 119:163

Maa gee ke m kan inyamɔn kpala, le ki tee gee saakaal ma.

Ilahn 28:3

Aa yaa ban aa bii bibiindam, ni binib bi tun titunwanbir aan baamɔliin naahn kijɔtiik ki mu tee kpa kinanaŋ bisui ni na kan, taa di mi kpaan bi chee.

Ilahn 5:9

Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Ilahn 52:3

Aa gee titunwanbir ki jer litunyaan, ki gee inyamɔn jer mbamɔn.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

Ŋiyataŋak 13:5

Binib bi aabimbin ŋan na aa gee inyamɔn, le bibiindam ma aamɔbon kpa inimɔɔn ni tilaar.

Aisaya 30:13

Ni jin libɔkpol a. Ni naahn ligoln li fɔk ki taa nween ki ti saa kitiŋ na la, libuul lee ni le ni ga lir.

Hosea 7:3

Uwumbɔr bui ke, “Binib joo baatunwanbir aakpokl le ŋmanni ubɔr ni waaninkpiib.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 22:15

Le Farisii yaab buen bi ti kpokl baah ga peei Yesu nlan pu aan ki chuu u na.

Matiu 22:23

Liyaadaal ngbaan le Sajusii yaab dan u chee. Bima le len ke binib aan fikr nkun ni.

Matiu 27:1

Ki woln kitaak le Uwumbɔr aatotoorninkpiib ni Juu yaab aaninkpiib mɔmɔk kpokl baah ga ŋa pu ki ku Yesu na.

Tibɔnyaan ti Luk ŋmee ti na 11:39

Le Tidindaan bui u, “Nimi Farisii yaab, ni ŋir tiyir ni ŋisambil aapuwɔb mbamɔm, kaa ŋir ni ponn ni. Kina le ni ban ke binib bui ke ni ye bininyaam; nisui ponn ni mu gbii kinaayuk aatuln ni titunwanbir.

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 7:22

M gee Uwumbɔr aakaal nsui ni.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.