Ilahn 62:1 - Uwumbɔr aagbaŋ

¹ M jin limɔr le ki kii Uwumbɔr ke u gaa mi lii; uma baanja pu le m ga ŋmaa nyii ki sil.

Ilahn 62:1 ပူးပေါင်းရင်းမြစ်များ

1 Bibɔrb Aabɔr 25:1

Ubɔr David ni Liifai yaab aasalolm le nan lee Liifai aataŋaal imina ke i li lolni nsan Uwumbɔr aadoon ni; bima le nan ye Asaf, ni Hemann, ni Jedutunn. Baatuln le nan ye ke bi moon Uwumbɔr aabɔr, ki gbaa tibar ki yakr ichayakrtuun. Binib bi bi nan lee ke bi li lolni nsan idoon ni na, ni baatuln aah ye pu na sɔ:

1 Bibɔrb Aabɔr 25:3

Jedutunn aajapɔtiib biloob bimina; Gedalia, ni Seri, ni Jesaya, ni Simei, ni Hasabia, ni Matitia. Bite le nan lolni bi pu nsan le bi mooni Uwumbɔr aabɔr ki gbaa tibar, ki gaa ilahn, ki pak ki dooni Uwumbɔr.

Ilahn 121:2

Maaterm ga nya ni Uwumbɔr, u naan paacham ni taab na chee la.

Ilahn 123:2

Tidindaan Uwumbɔr, unaagbiija aah bi udindaan pu, aan unaagbiipiibo mu bi udindaan pu pu na, kina le ti mu lik aa pu, ki kii n‑yoonn mu aa ga san timi kinimbaak na.

Ilahn 25:5

Mɔk mi aan m li bi ke saabamɔn aah ban pu na, ba pu? sin le ye Maawumbɔr u gaal mi lir na. M ga li kpa gaakii tii si n‑yoonn mɔmɔk.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 33:20

Ti di timi aamakl ŋa Uwumbɔr aaŋaal ni la; uma le ye u kii timi ki ter timi na.

Ilahn 37:39

Uwumbɔr le gaal binib bi ŋan na lir, le ki kii bi tibɔbir aayoonn.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 39:1

M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Ilahn 40:1

M nan ka suuna le ki kii Uwumbɔr aaterm; le u pel m chee ki ŋun maawiil.

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 65:1

Uwumbɔr, ni ŋan ke ti pak si Sionn aatiŋ ni, ki li joo taah puu tipuur ti tii si na,

Ilahn 77:1

M wii mpɔɔn pu ki yin Uwumbɔr, m wii mpɔɔn pu, le u ŋun maawiil pu.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Inandalahn 3:25

Uwumbɔr kpa tiŋann unii umɔk kii tii u na pu.

Inandalahn 3:38

Uma le ga len, le ni ŋan na, ni ni kaa ŋan na ga ŋa.

Jemisi 5:7

Nnaabitiib, nima pu na, ni li kpa limɔr ki ti saa bundaln Tidindaan ga gir ni na. Lik man, ukpaal aah kpa limɔr pu ki kii buyoonn waasaak ga nan ŋa tijikaar nyaan na. U kpa limɔr ki kii unaalantaal ni utakuutaal aah ga nan nu pu na.