Ilahn 61:7 - Uwumbɔr aagbaŋ

⁷ Uwumbɔr, cha u li bi aanimbiin ni ki joo waanib n‑yoonn mɔmɔk; li joo saageehm mu bi n‑yoonn mɔmɔk na, ni saaŋann na kii u.

Ilahn 61:7 ပူးပေါင်းရင်းမြစ်များ

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 32:10

Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

2 Samuel 7:26

Saayimbil ga nyaŋ, le binib ga li len n‑yoonn mɔmɔk ke, ‘Uwumbɔr u yeh mpɔɔn mɔmɔk na le ye Uwumbɔr u lik Israel yaab pu na.’ Le aa ga cha maanib bi ji nnaan na li bi n‑yoonn mɔmɔk.

Ilahn 21:5

Saaterm pu le waapak wiir; aa tii u liyimbil ni mpɔɔn,

Ilahn 40:11

Uwumbɔr, m nyi ke saan di cha kaan san mi kinimbaak. Saageehm, ni saah si chob pu na le ga li kii mi n‑yoonn mɔmɔk.

Ilahn 41:12

Aa ga ter mi, ba pu? m ŋani ni ŋan na la; aa ga cha m li bi aanimbiin ni n‑yoonn mɔmɔk.

Ilahn 43:3

Cha saawiihn ni saabamɔn dan; cha ni loln m pu nsan ki giin ni mi saagongoln li bi chain na pu, ki ti fuu saadichal, li ponn ni aa koo na,

Ilahn 57:3

U ga li bi paacham le ki kii maayim ki gaa mi lii; u ga nyaŋ binib bi muk mi na. Uwumbɔr ga mɔk mi waageehm mu bi n‑yoonn mɔmɔk na ki ga ŋa waah puu ke u ga ŋa pu na.

Ŋiyataŋak 20:28

Ubɔr yaa joo ibamɔn, ni mbimbinyaan, ki ŋani binib mɔmɔk naah tok pu na kan, u ga yunn nnaan ni.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.