Ilahn 60:6 - Uwumbɔr aagbaŋ

⁶ Uwumbɔr bi waadichal li bi chain na ni ki len ke, “M ga di linyaŋ yakr Sekem aatiŋ ki yakr Sukof aafataŋ tii maanib.

Ilahn 60:6 ပူးပေါင်းရင်းမြစ်များ

Mpiin 12:6

le Abram chuun dii kitiŋ ngbaan ni, le ki ti fuu bususakpem bu bi yin bu ke More, ki bi Sekem aatiŋ ni na chee. N‑yoonn ngbaan, Kanaann yaab nan laa beenin bi kitiŋ ngbaan ni.

2 Samuel 3:18

Tɔ, nimi aayoonn le na. Ni teer ke Uwumbɔr nan len ke, ‘M ga di maatutunn David le gaa maanib Israel yaab, Filistia yaab ni baadim biken na chee lii.’”

Ilahn 119:162

Saah puu tipuur ti na pu le m kpa mpopiin ke unii u pii liwangol na la.

Ilahn 132:11

Aa nan puu tipuur ti saan cha ti bee fam na tii David ke, “M ga ŋa aajapɔɔn ubaa ubɔr, uma le ga paan aa pu ki ji nnaan.

Ilahn 56:4

M kpa Uwumbɔr pu gaakii le kaa san ijawaan; m pak u waah puu tipuur ti na pu. Unibɔn aan ŋmaa ŋa mi nibaa.

Ilahn 89:19

N‑yoonn mu jer na le aa nan kpiir tuk saatutum bi dii si mbamɔm na ke, “M tii butɔb aajakpaan ubaa nterm; m di libɔrjal tii unii u m lee u binib ngbaan ponn ni na.

Ilahn 89:35

M puu maayimbil li bi chain na pu ke maan gii inyamɔn tuk David.

Jeremia 23:9

Nsui mɔmɔk bii a, le m si jii. Uwumbɔr pu, ni waabɔnyaan pu, le m gur bi ke udagbiir, ki bi ke unii u nyun ndaan sakpen na.

Amos 4:2

Tidindaan Uwumbɔr aah bi chain kaa kpa tijɔŋ tibaa na, u puu ke, “Iwiin ibaa choo, le bi ga nan di ijapiin dar nimi buen; ni mɔmɔk ga li bi ke ijan i ijapiin chur i na la.

Josua 1:6

Pɔɔn aabaa ki li kpa lipobil, sin le ga loln binib ngbaan pu nsan, le bi gaa kitiŋ ki m nan puu ke m ga di ki tii biyaajatiib na.

Josua 13:27

ki kpaan Jɔɔdann aafataŋ aatim mu bi yin mu ke Bef Haram, ni Bef Nimra, ni Sukof, ni Safonn mɔk, ni nan ye ubɔr Sihonn u nan ka Hesbonn aatiŋ na aanaan mu gur na la. Liwilir wɔb, baatiŋ aanaanmɔk le nan ye Jɔɔdann Aamɔɔl ki ti ker ŋŋangan wɔb, Galilee Aanyusakpem chee,

Josua 17:7

Manase aatiŋ mɔk nan yoor Aser aatiŋ ni, ki ti ker Mikmetaf ki bi Sekem aawipuul wɔb na. Le kimɔk nan ki yoor ŋŋangii wɔb ki kpee binib bi bi Enn Tapua na aatim mu.

Josua 20:7

Nima pu na, Jɔɔdann Aamɔɔl aawilir wɔb na, bi nan nyan Kedes aatiŋ ki bi Galilee aatiŋ ni na la, ki nan bi ŋigongon aatiŋ ni, ki ye Naftali aanibol aatiŋ na, le ki ki nyan Sekem aatiŋ ki nan bi ŋigongon aatiŋ ni, ki ye Efraim aanibol aatiŋ na, le ki ki nyan Hebronn aatiŋ ki nan bi ŋigongon aatiŋ ni, ki ye Juda aanibol aatiŋ na,

Josua 24:1

Josua nan kuun Israel aanibol ngbaan mɔmɔk dan ubaa chee Sekem aatiŋ ni. U nan yin baaninkpiib, ni baasalolm, ni baabɔjirb, ni baayidam, le bi mɔmɔk kuun ni Uwumbɔr aanimbiin ni.

Josua 24:32

Josef aah nan kpo Ijipt aatiŋ ni, aan Israel yaab joo ni waakpab i na, bi nan di i sub Sekem aatiŋ ni, kitiŋ ki Jakob nan daa Hamor aajapɔtiib chee na. Hamor nan ye Sekem aate la. Jakob nan daa kitiŋ ngbaan tikunabr aamombil nkub la. Josef aayaabitiib le nan jin ki lifaal.