Ilahn 60:2 - Uwumbɔr aagbaŋ

² Aa cha kitiŋ jii, le ki cha ki gii ki taa nween; dandana ma kan, toor ki, ba pu? ki bi lir la.

Ilahn 60:2 ပူးပေါင်းရင်းမြစ်များ

2 Samuel 22:8

Le kitiŋ dam ki deŋ; le kitaalangbaŋ aah baa nin chee na dam ki jii; ba pu? Uwumbɔr aaŋuul le nan fii.

2 Samuel 8:1

Naah yunn siib na, le David ki buen ti tak Filistia yaab, ki nyaŋ bi, le ki gaa baatisakpeŋ bi chee.

1 Bibɔrb Aabɔr 18:12

Abisai, u aana nan ye Seruya na nan ti nyaŋ Edom yaab ki ku baajab ŋichur kipiik ni ŋiniin, kifataŋ ki bi yin ki ke N‑yaan Aafataŋ na ni.

1 Bibɔrb Aabɔr 18:3

U nan nyaŋ Siria aatiŋ ki bi yin ki ke Soba aan ki bi gbɔk Hamaf aapepel na; ba pu? kaabɔr Hadadeser nan bi pɔɔni ubaa ke u gaa lipepel li bi Yufrates aapaacham na la.

1 Bibɔrb Aabɔr 18:5

Siria yaab bi bi Damaskus aatiŋ ni na aah nan tun bijab ke bi ti ter Ubɔr Hadadeser na, le David ti tak bi ki ku baajab ŋichur moninko ni ŋilee,

2 Bibɔrb Aabɔr 7:14

aan bi yaa mee limeel m chee ki kpeln baabimbin ki yii baah tun titunwanbir ti na kan, le m ga li bi paacham ki ŋun baameel ngbaan, ki di baatunwanbir cha pinn bi, ki ki cha baatiŋ ŋa tinyoor.

Job Aagbaŋ 5:18

Uwumbɔr poo ibuun i u tii na; uma aaŋaal le tii si titotonn, le ki ki tii si laafee.

Job Aagbaŋ 9:6

Uwumbɔr cha kitiŋ puul le ki jii; u damni jaatɔlk mam bi joo kitiŋ na.

Ilahn 104:32

U yaa lik kitiŋ pu kan, ki jii la; u yaa meeh ŋijoo kan, le iŋmanyuu nya ni.

Ilahn 114:7

Kitiŋ, li jii; ba pu? Uwumbɔr choo, Uwumbɔr u tiyaaja Jakob mu nan dii u na,

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Ilahn 89:40

Aa tur waatiŋ aagon lii kitiŋ, le ki cha waajawan aadir kpaln ŋilangben.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 7:8

ba pu? Siria aapɔɔn aa fuu Damaskus ki ye Siria aatiyil na aapɔɔn, le Damaskus mu aa pɔɔ ki jer ubɔrkpaan Resinn. Israel aatiŋ ma kan, joo cha ŋibin imonko itaa ni ŋiŋmu na ki mɔmɔk ga kpar yaa tɔb chee, kaan ki ŋmaa sil ke litimbol libaa na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 14:17

Uwumbɔr nan bui mi ke m tuk binib ngbaan maapombiin aah bi pu na ki bui bi ke, “M wii nwiin pu ni kinyeek la, taa cha m di cha iwiil, maanib aah kan titotonn sakpen, ni iween i na pu.

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 4:24

M nan lik ŋijoo, le ŋi mɔmɔk nan jii, le ŋigongon yuk ti nya do ki ti nya do.

Jeremia 48:38

Ikpowiil le bi Moab aadichapaab ni baakakaa mɔmɔk chee, ba pu? m wii Moab ke libuul li ubaa aa neen li na la.

Inandalahn 2:13

Jerusalem aatiŋ ki m gee ki na, m ga len ke ba? M ga ŋa kinye ki sɔŋ aasui? Ubaa aa kee jin falaa umina aaboln. Saabɔbir aa kpa timɔk ke nnyusakpem na la; limakl aa ki bi nibaa chee.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Amos 8:8

Kina pu na, kitiŋ ga deŋ, le unii umɔk bi kitiŋ kee pu na aasui ga bii. Kitiŋ mɔmɔk ga nyɔŋ, ki ga fii ki gir lir ke Nail Aamɔɔsakpeln na.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Matiu 27:51

N‑yoonn ngbaan, le likekeln li yakr Uwumbɔr aadiik ni nfum mulee na chuu kar paacham ki ti saa kitiŋ. Le kitiŋ deŋ, le ŋitakpasakpiin chuu war.