Ilahn 6:10 - Uwumbɔr aagbaŋ

¹⁰ Maadim ga bee nlirm aanimɔɔn aah wu pu na; libuul ngbaan ni le bilan ga ŋmal, le bi jenn yaa bi.

Ilahn 6:10 ပူးပေါင်းရင်းမြစ်များ

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

Job Aagbaŋ 6:29

Aa buen ti chaar jer a. Taa ki tun beebee aatuln. Taa ki bii mi. M kpa mbamɔn.

Ilahn 112:10

Bibiindam kani kina, le baaŋuul fiir; bi gbee ŋiningbee le ki siir mala; baamakl mɔmɔk doo a.

Ilahn 132:18

M ga jinn waadim inimɔɔn, le waanaan ma ga pɔɔk ki kan liwangol.”

Ilahn 2:5

Le waaŋuul ponn ni u sak bi, ki di waaŋuul faan bi.

Ilahn 25:3

Binib bi kpa gaakii tii si na aa lir, le binib bi nya aapuwɔb mala na ma lir la.

Ilahn 35:26

Cha binib bi aasui piir maafalaa pu na aalan ŋmal aan bi lir kookoo; Cha binib bi len ke bi soor mi na kpaln inimɔɔn aanib.

Ilahn 5:10

Uwumbɔr, bii baabɔr ki daa bitafal; cha bibaa aakpokl ku bi doo. Baatunwanbir sakpenn, ni baah yii saamɔb pu na, jenn nyan bi aanimbiin ni.

Ilahn 55:20

Maajan aajɔ le tak ujɔtiib, u bii waah puu tipuur ti na a.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 71:13

Cha binib bi tak mi na lir ki kuln pel pel. Cha binib bi pɔɔni bibaa ke bi tii mi iween na ji inimɔɔn.

Ilahn 71:24

M ga li len binib chee saah kpa tiŋann sakpen pu na, ki ti saa nwiin aah ga lir pu na; ba pu? binib bi pɔɔn bibaa ke bi tii mi titotonn na lir, le ki jin inimɔɔn.

Ilahn 73:19

Libuul ngbaan ni le bi kuln, baah ga ti doo pu na ga li kpa ijawaan.

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Jeremia 20:11

Uwumbɔr, le si ma si mpuwɔb, ki kpa mpɔɔn ni linyaŋ, le binib bi muk mi na ga lir. Baah kaan kan baah ban pu na, le ga cha bi kpaln binimɔɔnib ki ti saa n‑yoonn mu kaa kpa ndoon na.

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.