Ilahn 59:9 - Uwumbɔr aagbaŋ

⁹ M kpa limakl saapɔɔn pu; Uwumbɔr, sin le ye maabɔbɔryaan.

Ilahn 59:9 ပူးပေါင်းရင်းမြစ်များ

Ilahn 2:4

Le Uwumbɔr ka waabɔrjal pu paacham, ki laa bi, ki ŋani bi yaansara, baalandak i kaa pɔɔ na pu.

Ilahn 20:1

Aa yaa bi limukl ni kan, Uwumbɔr ŋun saameel. Uwumbɔr u Jakob mu nan dii u na li kii si.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 59:17

Maakikiir, m ga pak si. Maabɔbɔryaan le ye Uwumbɔr, Uwumbɔr u gee mi na.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 9:9

Uwumbɔr le gaal bimukdam lir, tibɔr aayoonn kan, uma chee le bi kani lifuur.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 58:14

aa ga kan mpopiin mu nyan ni saah tun maatuln pu na ni. M ga cha dulnyaa mɔmɔk li pak si, le aa ga ji mmɔɔn, kitiŋ ki m nan di tii aayaaja Jakob na pu. Min Uwumbɔr le len kina.”

Habakuk 3:19

Ndindaan Uwumbɔr le ye maapɔɔn; u ŋa maataafar ke upeeman aataabuseen na la, le ki kii mi ŋijoo paab.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]